દેશભરમાં આજે ઈદની ઉજવણી: પીએમ મોદીએ લોકોને પાઠવી શુભકામના

• આજે ઈદ-ઉલ-ફિત્રનો તહેવાર
• પીએમ મોદીએ પાઠવી શુભેચ્છા
• લોકોને ઈદ-ઉલ-ફિત્રની શુભેચ્છા

દિલ્હી:ભારતમાં આજે ઈદ-ઉલ-ફિત્રનો તહેવાર ધામધૂમથી ઉજવવામાં આવી રહ્યો છે.રવિવારે દિલ્હી સહિત દેશના કોઈપણ ભાગમાં ઈદનો ચાંદ ન દેખાયો ત્યારે મંગળવારે ઈદ-ઉલ-ફિત્રનો તહેવાર ઉજવવાની જાહેરાત કરવામાં આવી હતી.બીજી તરફ, વડા પ્રધાન નરેન્દ્ર મોદીએ સોમવારે દેશવાસીઓને ઈદ-ઉલ-ફિત્રની શુભેચ્છા પાઠવી હતી.

તેમણે એક ટ્વિટમાં કહ્યું કે,ઈદ-ઉલ-ફિત્રની ખૂબ ખૂબ શુભેચ્છાઓ.આ શુભ અવસર આપણા સમાજમાં એકતા અને ભાઈચારાની ભાવના વધારે. હું દરેકને સારા સ્વાસ્થ્ય અને સમૃદ્ધિની ઇચ્છા કરું છું.

રાષ્ટ્રપતિ રામનાથ કોવિંદે પણ ઈદ-ઉલ-ફિત્રની પૂર્વ સંધ્યાએ દેશવાસીઓને શુભેચ્છા પાઠવી હતી.તેમના અભિનંદન સંદેશમાં રાષ્ટ્રપતિએ કહ્યું કે,ઈદ-ઉલ-ફિત્રના અવસર પર હું તમામ દેશવાસીઓને, ખાસ કરીને મુસ્લિમ ભાઈઓ અને બહેનોને હાર્દિક શુભેચ્છાઓ અને શુભકામનાઓ આપું છું.ઈદ-ઉલ-ફિત્રનો તહેવાર પવિત્ર રમઝાન માસ દરમિયાન ઉપવાસ અને વિશેષ નમાજ અદા કર્યા પછી ઉજવવામાં આવે છે. ઈદ રોજેદારોમાં ભાઈચારા અને દાનની ભાવનાનો સંચાર કરે છે. આ દરમિયાન ગરીબોમાં ભોજન, ભોજન વિતરણને વિશેષ મહત્વ આપવામાં આવે છે. આ તહેવાર લોકોને સુમેળભર્યા, શાંતિપૂર્ણ અને સમૃદ્ધ સમાજના નિર્માણ માટે પ્રયત્નો કરવાની પ્રેરણા આપે છે.