મિઝોરમમાં 3 ડિસેમ્બરે ચૂંટણી પરિણામો જાહેર નહીં થાય , EC એ મતગણતરી તારીખમાં કર્યો બદલાવ
દિલ્હી – વિધાનસભાની 5 રાજ્યોમાં ચુંટણી યોજાઇ હતી જેની મતગણના આવતીકાલે 3 ડિસેમ્બરે થનાર હતી જોકે હવે 4 રાજ્યોમાંજ આવતી કાલે પરિણામ આવશે મિઝોરમ માટે મતગણના ની તારીખમાં બદલાવ કરવામાં આવ્યો છે.
પ્રાપ્ત માહિતી પ્રમાણે મિઝોરમ વિધાનસભા ચૂંટણીના પરિણામો 3 ડિસેમ્બરે જાહેર કરવામાં આવશે નહીં. ચૂંટણી પંચે મિઝોરમમાં મત ગણતરીની તારીખમાં ફેરફાર કર્યો છે. હવે રાજ્યમાં 4 ડિસેમ્બરે પરિણામ જાહેર થશે
મિઝોરમમાં મત ગણતરીની તારીખ બદલવાની માંગણી કરવામાં આવી હતી. રાજ્યની ઘણી મોટી પાર્ટીઓ સર્વસંમતિથી આની માંગ કરી રહી હતી. 40 સભ્યોની મિઝોરમ વિધાનસભા માટે 7મીએ એક જ તબક્કામાં મતદાન થયું હતું.
આ સમગ્ર બાબતને લઈને ચૂંટણી પંચે જણાવ્યું હતું કે ખ્રિસ્તી બહુમતી ધરાવતા રાજ્ય મિઝોરમના લોકો માટે રવિવારનું વિશેષ મહત્વ હોવાના આધારે મતગણતરીની તારીખ બદલવાની વિવિધ ક્વાર્ટરની વિનંતીઓને પગલે આ નિર્ણય લેવામાં આવ્યો હતો. આ રજૂઆતોને ધ્યાનમાં લઈને, પંચે મિઝોરમ વિધાનસભાની સામાન્ય ચૂંટણી માટે મત ગણતરીની તારીખ 3 ડિસેમ્બર રવિવાર થી બદલીને 4 ડિસેમ્બર, 2023 સોમવાર કરવાનો નિર્ણય અમલમાં મૂક્યો છે .
