એલન મસ્કની જાહેરાત:હવે ‘X’ પર વીડિયો અને ઑડિયો કૉલ કરી શકશો

દિલ્હી: અબજોપતિ બિઝનેસમેન એલન મસ્કે ફરી એકવાર ચોંકાવનારી જાહેરાત કરી છે. જ્યારથી એલન મસ્કે ટ્વિટર સંભાળ્યું છે, ત્યારથી તે દિવસેને દિવસે ઘણા ફેરફારો કરી રહ્યા છે. તેણે હાલમાં જ ટ્વિટરનું નામ બદલીને X કર્યું છે. હવે તેણે એવી જાહેરાત કરી છે કે જેનાથી વોટ્સએપની ઉંઘ ઉડી ગઈ છે. હકીકતમાં, મસ્કએ ગુરુવારે જાહેરાત કરી હતી કે, ટૂંક સમયમાં જ ‘X’ પ્લેટફોર્મ પર ઑડિયો અને વિડીયો  કૉલ ફીચર્સ ઉમેરવામાં આવશે.

‘X’ હવે એકલા સોશિયલ પ્લેટફોર્મ પર દરેકને સ્પર્ધા આપી રહ્યું છે. ‘X’ પર વિડીયો અને ઑડિયો કૉલિંગ સુવિધા Android, iOS, PC અને Mac સહિતના પ્લેટફોર્મ પર કામ કરશે. આ ફીચરમાં ઓડિયો અને વીડિયો કોલ કરવા માટે ફોન નંબરની જરૂર નહીં પડે. પોસ્ટ રિલીઝ કરતાં, મસ્કએ કહ્યું, “‘X પાસે વિડીયો અને ઑડિયો કૉલ્સ આવી રહ્યાં છે. તે iOS, Android, Mac અને PC પર કામ કરશે. કોઈ ફોન નંબરની જરૂર નથી. X એ અસરકારક વૈશ્વિક એડ્રેસ બુક છે. આ પરિબળો તદ્દન અનન્ય છે.

એલન મસ્ક ઘણા ફેરફારો લાવી રહ્યા હોવા છતાં ડાઉનલોડની સંખ્યામાં કોઈ ઘટાડો થયો નથી. જો કે, સાપ્તાહિક સક્રિય વપરાશકર્તાઓમાં પણ ઘટાડો જોવા મળ્યો હતો. ટ્વિટરના રિબ્રાન્ડિંગ પછીના અઠવાડિયામાં Xના સાપ્તાહિક સક્રિય વપરાશકર્તાઓમાં ચાર ટકાનો ઘટાડો થયો છે.

‘X’ સાથે સ્પર્ધા કરવા માટે માર્ક ઝકરબર્ગે તાજેતરમાં એક નવું સોશિયલ મીડિયા પ્લેટફોર્મ થ્રેડ્સ પણ લોન્ચ કર્યું છે. પરંતુ હવે એલન મસ્કની નવી જાહેરાતથી ઈન્સ્ટાગ્રામ અને વોટ્સએપને આંચકો લાગી શકે છે.