મુંબઈ:ટેસ્લાના સીઈઓ એલન મસ્ક અને ટ્વિટર વચ્ચેનો વિવાદ ઘણા વળાંક લઈ રહ્યો છે.નવા અહેવાલો અનુસાર, એલન મસ્કે ટ્વિટર બાય ડીલ તોડતા પહેલા 28 જૂને ટ્વિટરના સીઈઓ પરાગ અગ્રવાલને એક સંદેશ મોકલ્યો હતો. જેમાં તેમને માહિતી આપવામાં આવી હતી કે કંપનીના વકીલો નાણાકીય વિગતોની માહિતી માંગીને “મુશ્કેલી ઉભી કરવાનો” પ્રયાસ કરી રહ્યા છે. મસ્કના મેસેજમાં કહેવામાં આવ્યું છે કે, “તમારા વકીલો આવી વાત કરીને સમસ્યા ઊભી કરવા માગે છે અને આને રોકવું જોઈએ.
એલન મસ્કે પરાગને જ્યારે નાણાકીય માહિતી માંગવામાં આવી ત્યારે તેને આ સંદેશ મોકલ્યો હતો. ટ્વિટરે થોડા દિવસો પહેલા મસ્ક પર દાવો માંડ્યો હતો કે તેણે 44 અરબ ડોલરના એક્વિઝિશન ડીલમાંથી પીછેહઠ કરવાનો નિર્ણય લીધો હતો.મંગળવારે ડેલાવેયરની કોર્ટ ઓફ ચાન્સરીમાં મસ્ક પર આરોપ લગાવીને મુકદ્દમો દાખલ કરવામાં આવ્યો હતો.ટ્વિટરે મુકદ્દમામાં જણાવ્યું હતું કે,મસ્ક પૂર્વ-ઘોષિત શરતો પર કંપનીને ખરીદવા માટે બંધાયેલા છે.
મસ્કની ટીમ દ્વારા ટ્વિટરને મોકલવામાં આવેલા પત્રમાં મસ્કે આ મહિનાની શરૂઆતમાં 44 બિલિયન અમેરિકી ડોલરના ટ્વિટર ખરીદી સોદો સમાપ્ત કરવાની જાહેરાત કરી હતી. મસ્કએ ખરીદી કરારના બહુવિધ ભંગને કારણે સોદો મુલતવી રાખવાનો નિર્ણય કર્યો. એપ્રિલમાં, મસ્કે ટ્વિટર સાથે આશરે US $44 બિલિયન માટે US $54.20 પ્રતિ શેરના ભાવે સંપાદન કરાર કર્યો હતો. જો કે, મસ્કે મે મહિનામાં આ સોદો અટકાવ્યો હતો જેથી તેની ટીમ ટ્વિટરના દાવાની સચ્ચાઈની સમીક્ષા કરી શકે કે પ્લેટફોર્મ પરના 5 ટકા કરતા ઓછા એકાઉન્ટ્સ બૉટ અથવા સ્પામ છે.