નવી દિલ્હીઃ દેશમાં ઉત્પાદન વધવાની સાથે લોકોને રોજગારી મળી રહે તે માટે સરકાર દ્વારા આત્મનિર્ભર ભારત અભિયાન શરૂ કરવામાં આવ્યું છે. આ ઉપરાંત નાના અને મધ્યમ કદના ઉદ્યોગોને પ્રોત્સાહિત કરવા માટે સરકાર દ્વારા વિવિધ પગલા ભરવામાં આવી રહ્યાં છે. દરમિયાન ભારતમાંથી ચાલુ વર્ષે 400 બિલિયન ડોલરથી વધુની નિકાસ થઈ છે. એક વર્ષમાં આ લક્ષ્યાંક પૂર્ણ કરવાનો નિર્ધાર કર્યો હતો. જો કે, વર્ષ પૂર્ણ થાય તે પહેલા આ લક્ષ્યાંક હાસંલ કરવામાં આવતા વડાપ્રધાન નરેન્દ્ર મોદીએ ખુશી વ્યક્ત કરીને દેશની ઉત્પાદકોને શુભકામના પાઠવી હતી.
India set an ambitious target of $400 Billion of goods exports & achieves this target for the first time ever. I congratulate our farmers, weavers, MSMEs, manufacturers, exporters for this success.
This is a key milestone in our Aatmanirbhar Bharat journey. #LocalGoesGlobal pic.twitter.com/zZIQgJuNeQ
— Narendra Modi (@narendramodi) March 23, 2022
વડાપ્રધાન નરેન્દ્ર મોદીએ ખેડૂતો, વણકરો, MSMEs, ઉત્પાદકો, નિકાસકારોની પ્રશંસા કરી છે કારણ કે ભારતે નિર્ધારિત સમયના 9 દિવસ પહેલા માલની નિકાસના 400 બિલિયન ડોલરના મહત્વાકાંક્ષી લક્ષ્યાંકને હાંસલ કર્યો છે. એક ટ્વીટમાં, પ્રધાનમંત્રી કહ્યું; “ભારતે 400 બિલિયન ડોલર માલની નિકાસનું મહત્વાકાંક્ષી લક્ષ્યાંક નક્કી કર્યું છે અને આ લક્ષ્યને પ્રથમ વખત હાંસલ કર્યું છે. આ સફળતા માટે હું અમારા ખેડૂતો, વણકર, MSME, ઉત્પાદકો, નિકાસકારોને અભિનંદન આપું છું. આપણી આત્મનિર્ભર ભારત યાત્રામાં આ એક મુખ્ય સીમાચિહ્નરૂપ છે.