મશહૂર અભિનેતા ઘર્મેન્દ્રએ કોરોના વેક્સિન લીધી , ટ્વિટર પર  વીડિયો શેર કરીને કહ્યું , ‘આ શો ઓફ નથી,પરંતુ પ્રેરણા આપવા માટે છે’

• અભિનેતા ઘર્મેન્દ્રએ કોરોના વેક્સિન લીધી
• ટ્વિટર ર વીડિયો શેર કર્યો
• લોકોને  વેક્સિન લેવાની આપી પ્રેરણા

મુંબઈ – સમગ્ર વિશ્વમાં કોરોનાનો કહેર વર્તાઈ રહ્યો છે, ત્યારે દેશમાં મોટા પાયે વેક્સિનેશન અભિયાન પણ 16 જાન્યુઆરીથી શરુ થઈ ચૂક્યું છે જે હેઠળ કરોડો લોકોએ વેક્સિન લીધી છે, આ સાથે જ અનેક મહાન હસ્તીઓ કોરોનાની વેક્સિન લઈ રહ્યા છે.અને લોકોને પણ વેક્સિન બાબતે પ્રેરણા આપી રહ્યા છે.

ત્યારે હવે બોલિવૂડના દિગ્ગજ અભિનેતા ધર્મેન્દ્રએ પણ વિતેલી રોજ કોરોના વેક્સીનનો ડોઝ લીધો હતો. અને તેનો વીડિયો પણ ટ્વિટર પર શેર કર્યો છે.તેમણે પોતોના ટ્વિટર પર વીડિયો શેર કરીને વેક્સિન લેવા માટેની ફેંસને પ્રેરણા આપી છે.

ધર્મેન્દ્ર એ ટ્વિટર પર વીડિયો શેર કરતા કહ્યું છે કે, ‘લોકડાઉન લોકડાઉન કરી રહ્યાં છો તો બે ગજનું અંતર અને માસ્ક જરૂરી છે. તેમણે વધુમાં કહ્યું કે, આની જરુર બાળકો માટે પણ છે તેમને પણ આપવું જોઇએ.’ વધુમાં વીડિયો શેર કરતાં ધરમેન્દ્ર એ લખ્યું છે કે, ‘ટ્વીટ કરતાં કરતાં.. જોશ આવી ગયો. અને હું નિકળી પડ્યો રસીકરણ માટે. આ શો ઓફ નથી. પણ પ્રેરણા આપવા માટે છે. મિત્રો તમારું ધ્યાન રાખજો.

ઉલ્લેખનીય છે કે, અભિનેતા ધર્મેન્દ્ર સોશિયલ મીડિયા પર સતત એક્ટિવ રહેતા હોય છે, તેઓ ઘણા ફોટોસ અને વીડિયો પોતાના ફએંસ માટે શેર કરતા હોય છે, આ સાથે જ થોડા સમય પહેલા જ તેમણે એક  વીડિયો શેર કર્યો હતો જેમાં અમિતાભ બચ્ચને જણાવ્યું હતું કે, ધર્મેન્દ્રને કારણે તેમને શોલે ફિલ્મમાં કામ કરવાની તક મળી હતી.

સાહિન-