- અક્ષય કુમાર તેના ફેંસને આપશે ભેટ
- ટૂંક સમયમાં ફરી નુપૂર સેનન સાથે જોવા મળશે
- ફિલહાલ 2- મોહબ્બતનો ફર્સ્ટ લૂક જારી
- ગીતનું પહેલું ટીઝર 30 જૂને થશે રિલીઝ
મુંબઈ : અક્ષય કુમાર અને નુપૂર સેનનનું ગીત ‘ફિલહાલ’ દર્શકોને ખૂબ જ ગમ્યું હતું. જ્યારે આ ગીત રિલીઝ થયું હતું. ત્યારે આ ગીતના આગળના ભાગની પણ જાહેરાત કરવામાં આવી હતી. ત્યારબાદથી અક્ષયના ચાહકો તેની આ મ્યુઝિક વીડિયોની આતુરતાથી રાહ જોતા હતા.ચાહકોની ઉત્સુકતાને સમાપ્ત કરતાં આજે એટલે કે ગુરુવારે અક્ષય કુમારે આ મોસ્ટ અવેટેડ ગીતનો પહેલો લુક જારી કર્યો છે. આ મ્યુઝિક વીડિયોનો પહેલો લુક જારી કરતાં અક્ષયે કહ્યું હતું કે, ગીતનું શીર્ષક ‘ફિલહાલ 2- મોહબ્બત’ છે.
મ્યુઝિક વીડિયોના ફર્સ્ટ લુક પોસ્ટરમાં તમે અક્ષય કુમારને બાઇક પર બેઠેલા જોઈ શકો છો. તો, નૂપુર તેની પાછળ બેઠી જોવા મળે છે. નુપૂર અક્ષયને ખૂબ જ પ્રેમથી પકડે છે. બંને એકબીજા સાથે ખુબ જ શાનદાર દેખાઈ રહ્યા છે. પોસ્ટર શેર કરતા અક્ષયે એ પણ ખુલાસો કર્યો કે, ગીતનું પહેલું ટીઝર 30 જૂને રિલીઝ થશે.
ફિલહાલ ગીત વર્ષ 2019 નું સૌથી લોકપ્રિય ગીત બન્યું હતું. જાની દ્વારા કંપોઝ અને બી પ્રાક અને નુપૂર દ્વારા ગવાયેલ આ ગીતે અનેક રેકોર્ડ તોડી નાખ્યા. આ ગીતને યુટ્યુબ પર 1 બિલિયનથી વધુ વ્યૂઝ મળ્યા હતા.