Site icon Revoi.in

આર્યન ખાન ડ્રગ્સ કેસ બાદ જાણો કયા સેલેબ્સ આવ્યા શાહરુખ ખાનના સપોર્ટમાં,કહ્યું ‘આ તો પ્રસિદ્ધીતી કિંમત છે’

Vinayak Barot
Social Share

મુંબઈઃ- તાજેતરમાં મુંબઈ હાઈ પ્રોફાઈલ ડ્રગ્સ પાર્ટી કેસમાં આર્યન ખાનની ધરપકડ બાદ અનેક સેલેબ્સએ શાહરુખ ખાનને સપોર્ટ કર્યો છે, ત્યારે અભિનેતા સુનીલ શેટ્ટીએ આગળ આવીને કહ્યું હતું કે તપાસ હજુ ચાલુ છે. આવું કંઇ કહેવું યોગ્ય નથી. રવિવારે રાત્રે સલમાન ખાન પણ શાહરુખના ઘરે આવી પહોંચ્યો અને તેને મળ્યો હતો. દરમિયાન, વધુ બે બોલિવૂડ અભિનેત્રીઓએ શાહરુખને ટેકો આપ્યો અને સોશિયલ મીડિયા પર વાત કરી. આર્યન ખાનની ધરપકડના કેસમાં પૂજા ભટ્ટ અને સુચિત્રા કૃષ્ણમૂર્તિએ ટ્વિટ કર્યું છે.

શાહરૂખ ખાન સાથે ફિલ્મ ‘ચાહત’ માં કામ કરનાર પૂજા ભટ્ટ લખે છે, ‘શાહરૂખ હું તમારી સાથે છું. એવું નથી કે તમને તેની જરૂર છે પણ હું આમ કરી રહી છું. આ પણ પસાર થશે. ‘છેવટે, તેણે હાથ જોડીને ઇમોજી પણ પોસ્ટ કરી હતી.

.સુચિત્રાએ કહ્યું કે ‘માતાપિતા માટે તેમના બાળકને મુશ્કેલીમાં જોવા કરતાં કંઇ વધુ મુશ્કેલ નથી. બધાને પ્રાર્થના. ”

અન્ય એક ટ્વિટમાં તેણે લખ્યું છે કે, ‘બોલીવુડને નિશાન બનાવનારાઓ માટે, ફિલ્મ સ્ટાર્સ પર NCB ના દરોડા યાદ છે? હા કંઈ મળ્યું નથી અને કશું સાબિત થયું નથી. આ એક તમાશો છે. પ્રસિદ્ધીની કિંમત. ઉલ્લેખનીય છે  કે સુચિત્રાએ શાહરૂખ ખાન સાથે ફિલ્મ કભી યા કભી નામમાં કામ કર્યું હતું.

જાણો સુનિલ શેટ્ટીએ શું કહ્યું શાહકરુખખાનના દિકરાના સપોર્ટમાં

આ પહેલા સુનીલ શેટ્ટીએ કહ્યું હતું કે, ‘જ્યારે કોઈ જગ્યા પર રેડ પડે છે, ત્યાં ઘણા બધા લોકો હોય છે. અમે માનીએ છીએ કે આ બાળકે ડ્રગ્સ લીધુ, આ બાળકે તે કર્યું. મને લાગે છે કે પ્રક્રિયા ચાલુ છે, તેથી તેને આ રીતે રાખો અને તે બાળકને શ્વાસ લેવાની જગ્યા આપો. જ્યારે આપણી ઈન્ડસ્ટ્રીઝમાં કંઈપણ થાય છે, ત્યારે મીડિયા અચાનક તૂટી જ પડે છે.