અમદાવાદઃ ભરૂચની ઝઘડિયા જીઆઈડીસીમાં આવેલી એક કંપનીમાં આગ લાગતના નાસભાગ મચી ગઈ હતી. ફાયરબ્રિગેડના જવાનોએ પાણીનો મારો ચલાવીને કલાકોની જહેમત બાદ આગ ઉપર કાબુ મેળવ્યો હતો. સદનસીબે આગની આ ઘટનામાં કોઈ જાનહાની નહીં થઈ હોવાનું જાણવા મળે છે.
સુત્રોના જણાવ્યા અનુસાર ઝઘડિયા GIDCમાં આવેલી મેટ્રેસ બનાવતી એક કંપનીમાં અચાનક આગ લાગી હતી અને ગણતરીની મિનિટોમાં જ આગે વિકરાટ સ્વરૂપ ધારણ કરી લીધું હતું. આગને પગલે ધુમાડાના ગોટેગોટા દૂર દૂર સુધી દેખાયા હતા. આ બનાવની જાણ થતા ફાયર ફાયટરો ઘટના સ્થળે પહોંચ્યા છે અને આગ પર કાબુ મેળવવાના પ્રયાસો હાથ ધરવામાં આવ્યાં હતા. કંપનીમાં આગ લાગવાનું કારણ હજુ અકબંધ છે.
આગની ઘટનાને પગલે આસપાસની કંપનીઓમાં પણ ફફડાટ ફેલાઈ ગયો હતો. તેમજ મોટી સંખ્યામાં લોકો બનાવ સ્થળ પાસે એકત્ર થયાં હતા.