- બાઇકના શો રૂમમાં આગ લાગતાં 7 બાઇક ખાખ
- શટર તોડી આગ પર પાણીનો મારો ચલાવ્યો
- આગ લાગ્યાનું કારણ અકબંધ
રાજકોટ: ગોંડલમાં રાત્રીના સમયે બાઈકના શો રૂમમાં આગ લાગી હતી.શહેરમાં ગુંદાળા ફાટક પાસે આવેલ રાજર્ષિ બાઈકના શો રૂમમાં આગ લાગતાં 7 બાઇક બળીને ખાખ થયા હતા. આ ઘટનામાં મોટું નુકશાન થયું હોવાનું સામે આવ્યું હતું, આગના પળવારમાં જ વિકરાળ સ્વરૂપ ધારણ કરતા દૂર – દૂર સુધી આગના લબકારા દેખાતા લોકોના ટોળાં ઘટના સ્થળે એકઠા થઇ ગયા હતા.
બનાવની જાણ થતાં ગોંડલ નગર પાલિકા ફાયર ફાઈટરોનો કાફલો ઘટના સ્થળે દોડી ગયો હતો. આ સાથે PGVCL ની ટિમ પણ ઘટનાસ્થળે દોડી જઈ વીજ પાવર બંધ કર્યો હતો. જ્યાં શો – રૂમનું શટર તોડી આગ પર પાણીનો મારો ચલાવ્યો હતો અને આગ પર કાબુ મેળવ્યો હતો.
જોકે , આ આગ કયા કારણોસર લાગી તે હજુ સુધી જાણી શકાયું નથી.આગના બનાવને લઈને પોલીસ કાફલો પણ ઘટના સ્થળે પહોંચ્યો હતો.હાલ સમગ્ર મામલે પોલીસે વધુ તપાસ હાથ ધરી છે .