પેટ્રોલ અને ડીઝલના ભાવ દરરોજ આસમાનને આંબી રહ્યા હોય તેવું લાગી રહ્યું છે. આવી સ્થિતિમાં લોકો પાસે એક વિકલ્પ બચ્યો છે – CNG કાર. છેલ્લા કેટલાક વર્ષોમાં, CNG એક સસ્તું ઇંધણ વિકલ્પ તરીકે ઉભરી આવ્યું છે. જો તમારી પાસે પેટ્રોલ કાર છે તો તમે તેમાં CNG કિટ પણ લગાવી શકો છો. આની મદદથી તમારી પેટ્રોલ કારને CNGમાં બદલી શકાય છે. આ માટે તમારે કેટલાક સ્ટેપ્સ ફોલો કરવાના રહેશે.
યોગ્ય માહિતી પ્રાપ્ત કરોઃ પ્રથમ પગલું એ છે કે તમારે એ તપાસવું પડશે કે તમારી કાર CNG માટે યોગ્ય છે કે નહીં. જો તમારી પેટ્રોલ કાર જૂની છે તો તેની CNG કિટ નહીં મળે. આ માટે, તમારે યોગ્ય સંશોધન કરવું પડશે, માહિતી મેળવવી પડશે અને વાહનમાં CNG કીટ ઇન્સ્ટોલ કરવા વિશે જાણવા માટે માન્યતા પ્રાપ્ત દુકાનનો સંપર્ક કરવો પડશે.
સીએનજીમાં કન્વર્ટ કરવા માટે સરકાર પાસેથી પરવાનગી લોઃ બીજા પગલાની વાત કરીએ તો, વાહનને સીએનજીમાં કન્વર્ટ કરવા માટે સરકાર પાસેથી પરવાનગી મેળવવાની હોય છે. આમાં તમારે રજિસ્ટ્રેશન સર્ટિફિકેટ અપડેટ કરવું પડશે કારણ કે ઇંધણનો પ્રકાર બદલાશે.
સારી CNG કિટ પસંદ કરોઃ ત્રીજા સ્ટેપની વાત કરીએ તો વાહન ચેક કર્યા બાદ લાઇસન્સ મેળવ્યા બાદ સારી કીટ શોધવી પડે છે. તમારે આ કિટ માત્ર ઓફિશિયલ ડીલર પાસેથી જ ખરીદવી પડશે. આ સાથે તમારે એ પણ શોધવાનું છે કે આ CNG કિટ અસલી છે કે નહીં.
CNG કિટ લગાવોઃ હવે આગળના પગલાની વાત કરીએ તો આ CNG કિટ લગાવવાની છે. CNG કિટ ખરીદ્યા પછી, તેને જાતે બદલવાનો પ્રયાસ કરશો નહીં.