- અમરનાથ યાત્રીઓ માટે વધુ એક સારા સમાચાર
- અમરનાથ યાત્રીઓ માટે ફ્રી ઈન્ટરનેટ સુવિધા
- આ 3 મહત્વના સ્થળો પર વાઈફાઈ એક્ટિવેટ
શ્રીનગર:અમરનાથ યાત્રીઓ માટે વધુ એક સારા સમાચાર છે.મુસાફરોની સુવિધાને ધ્યાનમાં રાખીને સરકારે ફ્રી ઈન્ટરનેટની વ્યવસ્થા કરી છે.જેથી યાત્રા દરમિયાન પણ ભક્તો પોતાના પરિવાર સાથે જોડાયેલા રહે. શનિવારે, જમ્મુ સ્માર્ટ સિટી લિમિટેડ (JSCL) એ બેઝ કેમ્પ ભગવતી નગર સહિત ત્રણ મહત્વપૂર્ણ સ્થળોએ વાઇફાઇ ઝોન સ્થાપિત કર્યા છે.
આ ઉપરાંત અન્ય બે જગ્યાએ પણ વાઈફાઈ ઝોન લગાવવામાં આવ્યા છે.જેમાં જમ્મુ રેલ્વે સ્ટેશન અને મુખ્ય બસ સ્ટેન્ડનો સમાવેશ થાય છે.કોમ્યુનિકેશન સર્વિસ સાથે સંકળાયેલા અધિકારીએ જણાવ્યું કે શહેરમાં સ્માર્ટ સિટી યોજના હેઠળ બે ડઝનથી વધુ સ્થળોએ વાઇફાઇ સેવા શરૂ કરવાની યોજના પહેલેથી જ છે.આ ત્રણેય સ્થળો એવા છે કે,જ્યાં પ્રવાસીઓ ઉપરાંત વિદ્યાર્થીઓ અને બિઝનેસને લગતી વધુ પ્રવૃત્તિ થાય છે.
જમ્મુ શહેરમાં સ્માર્ટ સિટી ડેવલપમેન્ટ પ્રોજેક્ટના અમલીકરણ માટે જમ્મુ અને કાશ્મીર સરાર દ્વારા ઓગસ્ટ 2017માં રચવામાં આવેલ ખાસ હેતુ વાહન JSCL એ ગયા વર્ષે નવેમ્બરમાં સેવા પ્રદાતા LMES સાથે 20 વધુ સ્થળોએ WiFi હોટસ્પોટ સ્થાપિત કરવા માટે કરાર પર હસ્તાક્ષર કર્યા હતા.અધિકારીઓએ કહ્યું કે,કોઈપણ યુઝર પબ્લિક વાઈફાઈ સુવિધાનો લાભ લઈ શકે છે.અહીં મુસાફરો વન-ટાઇમ પાસવર્ડ દ્વારા લોગિન અને વેરિફિકેશન પછી 500 MB સુધીનો ફ્રી ઇન્ટરનેટ ડેટા વાપરી શકશે.
દક્ષિણ કાશ્મીરમાં અમરનાથ યાત્રા 30 જૂનથી શરૂ થઈ છે. આ યાત્રા 43 દિવસ સુધી ચાલશે અને 11 ઓગસ્ટના રોજ સમાપ્ત થશે. ભક્તો દર્શન કરવા માટે 3,880 મીટર ઊંચી પવિત્ર ગુફામાં પહોંચી રહ્યા છે. અમરનાથ યાત્રા બે રૂટથી શરૂ થઈ છે. આમાં દક્ષિણ કાશ્મીરના પહેલગામમાં પરંપરાગત 48-કિમી-નૂનવાન અને મધ્ય કાશ્મીરમાં ગાંદરબલમાં 14-કિમી-ટૂંકા બાલટાલનો સમાવેશ થાય છે.