નવી દિલ્હીઃ G20 સમિટ સ્થળ પર ઋગ્વેદ અને અથર્વવેદના યુગ સાથે સંબંધિત ‘મધર ઓફ ડેમોક્રસી’ પ્રદર્શનની સ્થાપના કરવામાં આવી છે. G20 સમિટ સ્થળ પર ‘મધર ઓફ ડેમોક્રેસી’ શીર્ષક હેઠળનું પ્રદર્શન હિંદુ ધાર્મિક ગ્રંથો ‘ઋગ્વેદ’ અને ‘અથર્વવેદ’ના યુગથી શરૂ કરીને 26 પેનલ દ્વારા 20 દેશોની લોકશાહી પ્રણાલીની સમજ પ્રદાન કરશે.
પ્રદર્શનનો હેતુ ઘણા દેશોની લોકશાહી પ્રણાલીને બતાવવાનો છે. આ સાથે આ પ્રદર્શન દ્વારા સદીઓથી લોકશાહી ભારતીય સમાજનું અભિન્ન અંગ તેમ દર્શાવવામાં આવનાર છે. તેમાં ઋગ્વેદ અને અથર્વવેદ અને રાજા અશોકના યુગથી શરૂ થતી દેશની લોકશાહી પ્રણાલીને દર્શાવતી 26 ઇન્ટરેક્ટિવ પેનલ હશે. પ્રદર્શનનો મોટો ભાગ ભારતીય ચૂંટણીઓને સમર્પિત કરવામાં આવશે. તે ગામ, જિલ્લા, રાજ્ય અને કેન્દ્રીય સ્તરે ભારત દ્વારા અનુસરવામાં આવતી બહુ-સ્તરીય વહીવટી પ્રણાલી અને દરેક સામાન્ય ચૂંટણી દ્વારા સત્તાના વિનિમયની સમજ પ્રદાન કરશે. આગમન પર, મુલાકાતીઓને AI અવતાર દ્વારા આવકારવામાં આવશે, જે પ્રદર્શનની ટૂંકી ઝાંખી આપશે અને ભારતીય લોકશાહી પ્રણાલીના લાંબા ઇતિહાસ અને પરંપરાનું વર્ણન કરશે.
સંસ્કૃતિ મંત્રાલયના જણાવ્યા અનુસાર, પ્રદર્શનની મુખ્ય વિશેષતા સિંધુ સરસ્વતી સંસ્કૃતિની એક છોકરીની 5 ફૂટ ઉંચી, 120-કિલોગ્રામ બ્રોન્ઝ પ્રતિકૃતિ હશે, જે હોલની મધ્યમાં એક ઉચ્ચ પોડિયમ પર ફરશે. આ પ્રદર્શનમાં ભારતની સમૃદ્ધ સાંસ્કૃતિક પરંપરાઓના દ્રશ્યો દર્શાવતી વિશાળ વિડિયો સ્ક્રીન પણ હશે. પ્રદર્શનની સામગ્રી, તેના ઓડિયો સહિત, તેને વિવિધ પ્રેક્ષકો માટે સુલભ બનાવવા માટે 16 વૈશ્વિક ભાષાઓમાં રજૂ કરવામાં આવશે.