તંદુરસ્ત જીવન માટે હાડકાંને મજબૂત બનાવવું વધુ મહત્વપૂર્ણ છે. જો તમે બાળકોની વાત કરો છો, તો સારા સ્વાસ્થ્ય માટે તેમના શરીરમાં પૂરતા પ્રમાણમાં વિટામિન ડી હોવું ખૂબ જ મહત્વપૂર્ણ છે. આજકાલ બાળકોને સૂર્યના કિરણોમાંથી કુદરતી વિટામિન-ડી ભાગ્યે જ મળે છે, આવી સ્થિતિમાં તેમને અનેક પ્રકારની સ્વાસ્થ્ય સમસ્યાઓનો સામનો કરવો પડે છે.
ઘણા અભ્યાસોમાં એવું પણ બહાર આવ્યું છે કે દેશમાં 50 ટકાથી વધુ બાળકો વિટામિન ડીની ઉણપની સમસ્યા સામે ઝઝૂમી રહ્યા છે. બાળકોમાં વિટામિન-ડીની ઉણપ કેવી રીતે પૂરી કરી શકાય છે તે જાણો આ આર્ટીકલમાં.
વિટામિન ડીના ફાયદા
વિટામિન ડી કેલ્શિયમના શોષણને પ્રોત્સાહન આપે છે જે હાડકાં અને દાંતને મજબૂત બનાવે છે. જો શરીરમાં વિટામિન ડી પૂરતા પ્રમાણમાં હોય તો તે શરીરમાં કોઈપણ પ્રકારના બાહ્ય આક્રમણને એટલે કે વાયરસ, બેક્ટેરિયા, ફૂગ વગેરેના ચેપને અટકાવે છે. તેથી, રોગપ્રતિકારક શક્તિ વધારવા માટે વિટામિન ડી ખૂબ જ મહત્વપૂર્ણ છે. વિટામિન ડી પૂરતા પ્રમાણમાં હોવાને કારણે સ્નાયુઓનો વિકાસ સારો થાય છે.
બાળકોમાં વિટામિન ડીની ઉણપના લક્ષણો
– હાડકાં નબળાં પડવાં.
– વજન વધવાનો અભાવ અને શરીરનો વિકાસ રૂંધાઈ જવો
– હાડકાની ઘનતામાં ઘટાડો.
– શરીરમાં દુખાવો અને હાડકાંને લગતી સમસ્યાઓ.
– ચાલવામાં અને બેસવામાં મુશ્કેલી.
– વારંવાર ન્યુમોનિયા થવો.
વિટામિન ડીની ઉણપને કેવી રીતે દૂર કરવી
બાળકોમાં વિટામીન ડીની ઉણપ હોય તો ડોક્ટરની સલાહ મુજબ તેનો ઈલાજ કરવો જોઈએ. પરંતુ જો તમે શરૂઆતમાં લક્ષણો જોઈને તેની સારવાર કરાવો છો તો બાળકોના શરીરમાં વિટામિન ડીની ઉણપને પૂરી કરવા માટે તમે આ બાબતોનું ધ્યાન રાખી શકો છો.
ગાયનું દૂધ
ગાયના દૂધને વિટામિન ડીનો સારો સ્રોત માનવામાં આવે છે. તેમાં સારી માત્રામાં કેલ્શિયમ હોય છે, જે હાડકાંને મજબૂત બનાવે છે. તમે ઇચ્છો તો બાળકના દૂધમાં ચોકલેટ કે સીરપ ઉમેરી શકો છો.
ખાદ્ય સામગ્રી
બ્રેડ, સોયા મિલ્ક, ચીઝ, મશરૂમ, દૂધ, દહીં વગેરે જેવા વિટામિન ડીથી ભરપૂર ખોરાક લો.
ગાજરનું જ્યુસ
વિટામિન ડીની ઉણપને પૂરી કરવા માટે બાળકે દિવસમાં ઓછામાં ઓછું એકવાર ગાજરનું જ્યુસ જરૂરથી પીવડાવવું જોઈએ. તેનાથી વિટામીન ડીની ઉણપ તો પૂરી થાય જ છે, સાથે જ શરીરને એનર્જી પણ મળે છે. આ ઉપરાંત શરીરને લગતા અનેક પ્રકારના ગંભીર રોગોમાં પણ રાહત મળે છે.
