દિલ્હી: ભારતની રાજધાની નવી દિલ્હીમાં 9-10 સપ્ટેમ્બરના રોજ યોજાયેલી G20 સમિટની સમગ્ર વિશ્વમાં ચર્ચા થઈ રહી છે. આ કોન્ફરન્સની સુરક્ષા માટે પોલીસ વિભાગે સમગ્ર દિલ્હીને સૈન્ય છાવણીમાં ફેરવી દીધું હતું. આવા સંજોગોમાં મોટી સંખ્યામાં પોલીસકર્મીઓએ કોન્ફરન્સમાં ઘણા દિવસો સુધી રાત-દિવસ થાક્યા વગર ફરજ બજાવી હતી. હવે વડાપ્રધાન નરેન્દ્ર મોદીએ આ પોલીસકર્મીઓ માટે ખાસ ભેટની વ્યવસ્થા કરી છે.
આ હશે ભેટ
G20 કોન્ફરન્સની સફળતા બાદ PM મોદી કોન્ફરન્સમાં ફરજ પરના પોલીસકર્મીઓ સાથે ડિનર કરી શકે છે. જો અહેવાલોનું માનીએ તો પીએમ મોદી જી-20 કોન્ફરન્સમાં ઉત્તમ ફરજ બજાવતા સૈનિકોને અભિનંદન આપવા તેમની સાથે મળવા અને ડિનર કરવાની તૈયારી કરી રહ્યા છે. ટૂંક સમયમાં આની જાહેરાત થઈ શકે છે.
આ તારીખે ડિનર
મળતી માહિતી મુજબ પીએમ મોદી 16 સપ્ટેમ્બરે પોલીસકર્મીઓ સાથે ડિનર કરી શકે છે. આ ડિનરનું આયોજન ITPO ખાતે કરવામાં આવશે. દિલ્હી પોલીસના સૂત્રોના જણાવ્યા અનુસાર, પોલીસ કમિશનર સંજય અરોરાએ દરેક જિલ્લામાંથી એવા પોલીસકર્મીઓના નામ પૂછ્યા છે જેમણે G-20માં શાનદાર કામગીરી કરી છે. આ રાત્રિભોજન કાર્યક્રમમાં 450 જેટલા પોલીસકર્મીઓ હાજરી આપે તેવી શક્યતા છે.
ઉલ્લેખનીય છે કે, નવી દિલ્હીમાં યોજાયેલ બે દિવસીય G20 સમિટ રવિવારે સફળતાપૂર્વક સમાપ્ત થઈ. વડાપ્રધાન નરેન્દ્ર મોદીએ રવિવારે નવી દિલ્હીમાં સફળતાપૂર્વક પૂર્ણ થયેલી G20 સમિટમાં લીધેલા નિર્ણયોની પ્રગતિની સમીક્ષા કરવા નવેમ્બરના અંતમાં વર્ચ્યુઅલ સત્ર (G20 virtual meet in November) નું આયોજન કરવાનો પ્રસ્તાવ મૂક્યો હતો.ભારત પાસે G20ની અધ્યક્ષતા સમાપ્ત થવામાં અઢી મહિના બાકી છે. અહીં બે દિવસીય G20 સમિટના અંતિમ સત્રમાં તેમના સમાપન ભાષણમાં, મોદીએ કહ્યું કે ભારતની G20 અધ્યક્ષતા સત્તાવાર રીતે 30 નવેમ્બર સુધી ચાલુ રહેશે જ્યારે જૂથના અધ્યક્ષ તરીકે તેમના કાર્યકાળમાં અઢી મહિનાથી વધુ સમય બાકી છે. અમેરિકા અને રશિયા બંનેએ G20 દરમિયાન થયેલી સર્વસંમતિની પ્રશંસા કરી છે