થોડા દિવસો પહેલા ખબર આવી હતી, મેટા તેની ઇન્સ્ટન્ટ મેસેજિંગ એપ વોટ્સએપ માટે નવા ફીચર પર કામ કરી રહી છે, જેના પછી વોટ્સએપ મેસેજને રીઅલ ટાઇમમાં ટ્રાન્સલેટ કરવામાં આવશે. પહેલા એવું કહેવામાં આવી રહ્યું હતું કે વોટ્સએપ આ માટે ગૂગલની લાઈવ ટ્રાન્સલેશન ટેક્નોલોજીનો ઉપયોગ કરશે, પણ હવે સ્પષ્ટ થઈ ગયું છે મેટા વોટ્સએપ માટે કોઈ ગૂગલ ટેક્નોલોજીનો ઉપયોગ નહીં કરે.
નવા રિપોર્ટ મુજબ, મેટા વોટ્સએપના લાઈવ ટ્રાન્સલેશન માટે પોતાની ટેક્નોલોજીનો ઉપયોગ કરશે. વોટ્સએપના ફીચરનું હાલમાં બીટા વર્ઝન પર ટેસ્ટિંગ કરવામાં આવી રહ્યું છે. તેનું ફાઈનલ વર્ઝન રિલીજ કરવામાં આવશે, આ સંબંધમાં કોઈ જાણકારી નથી.
વોટ્સએપના આગામી ફીચર વિશે માહિતી WABetaInfo દ્વારા આપવામાં આવી હતી, જે તેના ફીચર્સને ટ્રેક કરે છે. હવે એ જ સાઇટે કહ્યું છે કે રિયલ ટાઈમ ટ્રાન્સલેશન માટે કોઈપણ થર્ડ પાર્ટી ટેક કંપનીની મદદ લેવામાં આવશે નહીં. આવામાં મોટો ફાયદો એ થશે કે અનુવાદ વાળા મેસેજ એન્ડ-ટુ-એન્ડ એન્ક્રિપ્ટેડ હશે.
ટ્રેકરે એક સ્ક્રીનશોટ પણ શેર કર્યો છે જે એન્ડ્રોઇડ બીટા વર્ઝન 2.24.15.12નો સ્ક્રીનશોટ છે. આ ફીચરનું નામ “Translate your message” હોવાનું કહેવાય છે, જોકે વાસ્તવિક નામ લોન્ચ થયા પછી જ ખબર પડશે. વોટ્સએપે હાઇલાઇટ કરતા લખ્યું છે કે “તમારા ટેક્સ્ટ એન્ડ-ટુ-એન્ડ એન્ક્રિપ્ટેડ છે. વોટ્સએપ સહિત કોઈ પણ તેને વાંચી શકશે નહીં. તેનો અર્થ એ કે તમારા સંદેશાઓ એન્ડ ટુ એન્ડ એન્ક્રિપ્ટેડ છે. કોઈ પણ વ્યક્તિ, વોટ્સએપ પણ નહીં, તમારા મેસેજ વાંચી શકશે નહીં.