સરકારે ગૂગલ ક્રોમના માટે જારી કરી કડક ચેતવણી, જાણો કેવી રીતે બચી શકાય હવે

ઘણા યુઝર્સ Android ડિવાઈસનો ઉપયોગ કરે છે. આવામાંતમે પણ ગૂગલ ક્રોમના યુઝર છો તો સાવધાન રહેવાની જરૂર છે. સરકારની એજન્સી CERT-In એટલે કે ભારતીય કમ્પ્યુટર ઇમરજન્સી રિસ્પોન્સ ટીમે ગૂગલ ક્રોમ ઓએસને લઈને કડક ચેતવણી જારી કરી છે.

સરકારી એજન્સી મુજબ, ગુગલ ક્રોમમાં કમજોરીઓ જોવા મળી છે. હેકર્સ ઘણી ટાર્ગેટ સિસ્ટમને નિશાન બનાવી રહ્યા છે. આવી સ્થિતિમાં યુઝર્સે સાવધાન રહેવાની જરૂર છે.

• શું છે સીઈઆરટી-ઈન
CERT-In ભારત સરકારની નોડલ એજન્સી છે. તે કોમ્પ્યુટર સુરક્ષાને લગતા મુખ્ય જોખમોને ઓળખે છે અને લોકોને સાવધાન કરે છે. તમને જણાવી દઈએ કે આ એજન્સી ઈલેક્ટ્રોનિક્સ અને સૂચના મંત્રાલય હેઠળ કામ કરે છે.

• એજન્સીએ આપી ખાસ જાણકારી
CERT-In એ કહ્યું છે કે હેકર્સ ટાર્ગેટ સિસ્ટમ દ્વારા ગૂગલ ક્રોમઓએસની સિસ્ટમને નિશાન બનાવી રહ્યા છે. એજન્સીએ 1 જુલાઈના રોજ Google ChromeOS માં ઘણી નબળાઈઓને ઓળખી હતી. તેમજ એડવાઈઝરી પણ જારી કરવામાં આવી હતી. એજન્સીએ કહ્યું છે કે હેકર્સ દ્વારા ટાર્ગેટ થવા પાછળનું કારણ કોઈ ચોક્કસ વેબ પેજની મુલાકાત લેતા યુઝર્સ હોઈ શકે છે.

• સીઈઆરટી-ઈનના યુઝર્સને સલાહ
CERT-In એ તેની સલાહમાં કહ્યું છે કે યુઝર્સએ તેમના ઉપકરણોમાં ગૂગલના લેટેસ્ટ અપડેટ્સ રાખવા જોઈએ. એજન્સીએ કહ્યું છે કે આ સમસ્યા મોટાભાગે Google ChromeOS ઉપકરણોમાં જોવા મળી છે. આવામાં શક્ય તેટલી વહેલી તકે તમારા ઉપકરણમાં Googleનું નવું સુરક્ષા અપડેટ પાસ કરો. આ સાથે યુઝર્સે અજાણી અને શંકાસ્પદ વેબસાઈટની મુલાકાત લેવાનું ટાળવું જોઈએ.