- દેશના કેટલાક રાજ્યોમાં ભારે વરસાદને લઈને એલર્ટ
- હવામાન વિભાગે 2 દિવસની આગાહી કરી
દિલ્હીઃ- દેશભરના કેટલાક જીલ્લાઓમાં ભઆરે વરસદાની આગાહી કરવામાં આવી છે આવી સ્થિતિમાં હવામાન વિભાગે 2 દિવસ સુધી ભારે વરસાદની સંભાવનાઓ વ્યક્ત કરી છે.દેશની રાજધાની દિલ્હીની જો વાત કરીએ તો અહીં વરસાદથી વાતાવરણ ખુશનુમા બની ગયું છે. દિલ્હીમાં શુક્રવાર સાંજથી વરસાદ અવિરત પણે ચાલુ છે.તો અનેક જગ્યાએ પૂરની સ્થિતિ પણ સર્જાઈ છે. હવામાન વિભાગે આગામી ચાર દિવસ ભારે વરસાદની આગાહી કરી છે.હવામાન વિભાગે એ ઉત્તરાખંડ માટે ઓરેન્જ એલર્ટ જાહેર કર્યું છે.
ઉલ્લેખનીય છે કે દેશમાં મેદાની વિસ્તારોથી લઈને પહાડી વિસ્તારોમાં વરસાદી શક્યતાઓ વધતી જોવા મળી રહી છે. હવામાનની આગાહી કરતી સંસ્થા સ્કાયમેટ અનુસાર, જમ્મુ અને કાશ્મીર, હિમાચલ પ્રદેશ, ઉત્તરાખંડના પહાડી રાજ્યો અને પંજાબ, ઉત્તર પ્રદેશ, રાજસ્થાન, મધ્ય પ્રદેશ, હરિયાણાના મેદાની રાજ્યો સિક્કિમ, આસામ અને આસામમાં વરસાદ પડી શકે છે. મેઘાલયમાં આજે જ્યારે તમિલનાડુ, આંધ્ર પ્રદેશના દરિયાકાંઠાના રાજ્યોના અનેક જિલ્લાઓમાં હળવા વરસાદની શક્યતા છે.
આ રાજ્યોમાં પડી શકે છે ભારેથી અતિ ભારે વરસાદ
હવામાન વિભાગે બિહાર, આંધ્રપ્રદેશ, કર્ણાટક, કેરળ, તમિલનાડુ, પુડુચેરી અને કરાઈકલમાં 31 જુલાઈથી 2 ઓગસ્ટ સુધી ભારે વરસાદની સંભાવના છે.હવામાન વિભાગે કહ્યું કે પશ્ચિમ બંગાળ, સિક્કિમ, અરુણાચલ પ્રદેશ અને આસામમાં હળવો વરસાદ અને વીજળી પડવાની સંભાવના છે. આગામી ચાર દિવસ દરમિયાન પશ્ચિમ હિમાલયમાં ભારે વરસાદની ગતિવિધિઓ ચાલુ રહેવાની શક્યતા છે.
ઉત્તર પ્રદેશના ઘણા જિલ્લાઓમાં વરસાદની સંભાવના વ્યક્ત કરી છે. રાજધાની લખનૌમાં ગાજવીજ સાથે વરસાદ પડી શકે છે. તે જ સમયે, શુક્રવારે સાંજથી દિલ્હીને અડીને આવેલા ગાઝિયાબાદ અને નોઈડામાં વરસાદ પડી રહ્યો છે.
ઉત્તરાખંડમાં ઓરેન્જ એલર્ટ જારી
હવામાન વિભાગે ઉત્તરાખંડમાં ભારે વરસાદનું એલર્ટ જાહેર કર્યું છે. હવામાન વિભાગના જણાવ્યા અનુસાર, દેહરાદૂન, નૈનીતાલ, પૌરી, ટિહરી, ચંપાવત અને બાગેશ્વરમાં ભારે વરસાદ પડી શકે છે. આ જિલ્લાઓમાં 31 જુલાઈથી 2 ઓગસ્ટ સુધી વરસાદની આગાહી કરવામાં આવી છે.
