હિના ખાને એક અઠવાડિયા પહેલા સોશિયલ મીડિયા પર તેના બ્રેસ્ટ કેન્સરનો ખુલાસો કર્યો હતો. અભિનેત્રીએ એક લાંબી પોસ્ટમાં જણાવ્યું હતું કે તે કેન્સરના ત્રીજા સ્ટેજમાં છે અને તેની સારવાર કરાવી રહી છે.
આ સમાચાર પછી, હિનાના ચાહકો તેના સાજા થવા માટે સતત પ્રાર્થના કરી રહ્યા છે. હિના પણ પોતાની બીમારીથી અંદરથી ડરી ગઈ છે, પરંતુ સતત હિંમત જાળવી રહી છે. આ દરમિયાન તેણે મોડી રાત્રે ઈન્સ્ટાગ્રામ સ્ટોરી પર એક પોસ્ટ શેર કરી, જેને જોઈને તેના ફેન્સ ફરી એકવાર ભાવુક થઈ ગયા.
- હિના ખાનની નવી પોસ્ટ
હિના ખાને ઈન્સ્ટા સ્ટોરી પર એક ફોટો શેર કર્યો છે, જેમાં તે અલ્લાહને યાદ કરતી જોવા મળી રહી છે. તેણે લખ્યું- અલ્લાહ સિવાય કોઈ તમારું દુઃખ દૂર નહીં કરી શકે. કૃપા કરીને અલ્લાહ, કૃપા કરો.
- હિનાએ વાળ કપાવ્યા
હિના ખાને 4 જુલાઈના રોજ ઈન્સ્ટાગ્રામ પર એક વીડિયો શેર કર્યો હતો, જેમાં તે તેના વાળ કાપતી જોવા મળી હતી. આ સાથે તેણીએ એક લાંબો સંદેશ પણ લખ્યો હતો કે હું મારી વાર્તા, મારી સફર રેકોર્ડ કરી રહી છું, એ સુનિશ્ચિત કરવા માટે કે મારી જાતને સ્વીકારવાના મારા પ્રયત્નો દરેક સુધી પહોંચે.
- હિના ખાનનું વર્ક ફ્રન્ટ
હિના ખાનના વર્ક ફ્રન્ટ વિશે વાત કરીએ તો, હિનાએ વર્ષ 2009થી યે રિશ્તા ક્યા કહેલાતા હૈમાં કામ કરવાનું શરૂ કર્યું, ત્યારબાદ તે બિગ બોસ 11 અને બિગ બોસ 14 જેવા શોમાં જોવા મળી. આ પછી તે કસૌટી ઝિંદગી કેમાં કોમોલિકાના રોલમાં પણ જોવા મળી હતી. આ સિવાય તેણે બોલિવૂડમાં પણ એન્ટ્રી કરી હતી.