શિયાળામાં લવિંગને આહારમાં સામેલ કરવું કેટલું ફાયદાકારક ? જાણો અહીં
ભોજનનો સ્વાદ વધારવામાં અને કોઇપણ જાતનો દુખાવો દૂર કરવામાં લવિંગ ખૂબ જ ફાયદાકારક રહે છે.વર્ષોથી ભારતીય મસાલાઓમાં લવિંગનો ઉપયોગ વર્ષોથી કરવામાં આવી રહ્યો છે. લવિંગમાં ભરપૂર ઔષધીય ગુણો રહેલાં છે.તે મોસમી ચેપ સામે રક્ષણ આપવાનું કામ કરે છે. તો ચાલો જાણીએ કે,શિયાળામાં તેને આહારમાં સામેલ કરવું કેટલું ફાયદાકારક છે.
લીવર આપણા શરીરનું મહત્વનું અંગ છે. જે બ્લડને ડિટોક્સ કરવાની સાથે બ્લડ શુગર કંટ્રોલ રાખવામાં મદદ કરે છે. ખોરાકમાં લવિંગ લેવાથી તમારા લીવરની તંદુરસ્તી સુધરી શકે છે. નેશનલ ઇન્સ્ટિટ્યૂટ ઓફ હેલ્થના એક રિસર્ચ મુજબ લવિંગમાં ભરપૂર માત્રામાં એન્ટીઓક્સીડેન્ટ હોય છે. જેના કારણે તે ઓક્સિડેટીવ સ્ટ્રેસ ઘટાડે છે, સાથે જ લીવરના રોગોનું જોખમ પણ ઘટાડે છે.
લવિંગ દાંતના દુઃખાવા અને સાંધાના દુખાવામાં રાહત આપવાનું કામ કરે છે. સાંધાના દુખાવામાં રાહત મેળવવા માટે તમે લવિંગના તેલનો ઉપયોગ કરી શકો છો.
લવિંગનું સેવન તમારા બ્લડ શુગર લેવલને નિયંત્રિત કરવામાં મદદ કરે છે. લવિંગમાં એક કમ્પાઉન્ડ હોય છે જે બ્લડ સુગર લેવલને નિયંત્રિત કરવામાં મદદ કરે છે. તે કુદરતી રીતે બ્લડ સુગરના સ્તરને નિયંત્રિત કરવામાં મદદ કરે છે.
