અમદાવાદઃ ભારતીય ઓડિટ અને એકાઉન્ટ્સ વિભાગ (IA&AD) ઇન્ટર-ઝોન ટેબલ ટેનિસ ટુર્નામેન્ટ 2022-23 , 9મી જાન્યુઆરી, 2023ના રોજ અમદાવાદમાં શરૂ કરવામાં આવી છે. આ ટુર્નામેન્ટનું આયોજન લિટરરી એન્ડ રિક્રિએશન ક્લબ, ઓફિસ ઓફ એકાઉન્ટન્ટ જનરલ (ઓડિટ-II) ગુજરાત દ્વારા ઓડિટ ભવન, અમદાવાદ ખાતે ટોપસ્પીન એકેડમી, દેવઆર્ક મોલ, એસજી હાઇવે, અમદાવાદ ખાતે કરવામાં આવી રહ્યું છે.
ટૂર્નામેન્ટની ફાઈનલ 11મી જાન્યુઆરીએ રમાશે. આ ટુર્નામેન્ટનું ઉદ્ઘાટન સૌરવ કુમાર જયપુરીયાર, IA&AS, ડાયરેક્ટર જનરલ ઓફ ઓડિટ (સેન્ટ્રલ), અમદાવાદ અને વિજય એન. કોઠારી, એકાઉન્ટન્ટ જનરલ (ઓડિટ-II) અમદાવાદ દ્વારા કરવામાં આવ્યું હતું.
ઉદઘાટન પ્રસંગે જયપુરીયારે ખેલાડીઓને પ્રોત્સાહિત કરતા જણાવ્યું હતું કે જીતવું જેટલું હારવું તેટલું જ જરૂરી છે અને રમતગમત આપણને હારવાની સાથે સાથે જીતવાનું પણ શીખવે છે. કોઠારીએ કહ્યું કે હવામાન સારું છે અને ઉત્તરાયણનો તહેવાર નજીક છે ત્યારે તેઓ યોગ્ય સમયે અમદાવાદ આવ્યા છે. તેમણે ખેલાડીઓને સમય કાઢીને પ્રવર્તમાન ખુશનુમા વાતાવરણમાં શહેરની મુલાકાત લેવાનું સૂચન કર્યું હતું.