એડ્રોઈડ ફોન સ્લો વર્ક કરતો હોય તો તેની સ્પીડ વધારવા આટલું કરો…
આપણે બધા ચોક્કસપણે ધીમા ફોનની સમસ્યાનો સામનો કરીએ છીએ. આ સમસ્યા મોટાભાગના એન્ડ્રોઇડ સ્માર્ટફોનમાં આવે છે. જ્યારે પણ તમે કોઈપણ એપ અથવા બ્રાઉઝરનો ઉપયોગ કરો છો, ત્યારે ફાઈલો, સ્ક્રિપ્ટ અને ફોટાની કેશ મેમરી ફોનમાં સ્ટોર થઈ જાય છે. જો તમારા ફોનમાં વધુ કેશ ફાઇલો એકઠી થાય છે તો ફોનના પરફોર્મન્સને અસર થાય છે. તેનાથી ફોન સ્લો થઈ જાય છે.
Android પર એપ્લિકેશન કેશ કેવી રીતે સાફ કરવી: તમારા એન્ડ્રોઇડ ફોનના સેટિંગ્સ એપ પર જાઓ. હવે તમારે થોડું નીચે સ્ક્રોલ કરવું પડશે અને અહીં તમારે Apps અથવા Apps & Notification પર ટેપ કરવું. તે પછી તે એપને શોધો જેની કેશ તમે સાફ કરવા માંગો છો. એપ્લિકેશન પર ટેપ કરો, પછી તમારે સ્ટોરેજ અને કેશ પર ટેપ કરવું પડશે. તે પછી Clear cache પર ટેપ કરો. તેનાથી એપની કેશ ક્લિયર થઈ જશે.
એક જ સમયે બધી એપ્લિકેશનોની કેશ કેવી રીતે સાફ કરવી: સૌથી પહેલા તમારે ફોનના સેટિંગમાં જવું પડશે, પછી તમારે સ્ટોરેજ અથવા સ્ટોરેજ અને મેમરી પર ટેપ કરવું પડશે. જે બાદ તમને કેશ્ડ ડેટાનો વિકલ્પ મળશે. બધી એપ્સની કેશ સાફ કરવા માટે ઓકે ટેપ કરો.
Androidપર બ્રાઉઝર કેશ કેવી રીતે સાફ કરવું: તમારે તમારા ફોન પર બ્રાઉઝર ખોલવું પડશે. તે એ જ બ્રાઉઝર હોવું જોઈએ જેની કેશ સાફ કરવાની છે. હવે તમારે મેનુ ખોલવું પડશે. આ માટે, જમણા ખૂણામાં ત્રણ બિંદુઓ આઇકોન પર ટેપ કરો. તે પછી તમારે સેટિંગ્સ પર ટેપ કરવાનું રહેશે. ફરી એકવાર નીચે સ્ક્રોલ કરો. પછી પ્રાઈવસીમાં જવું પડશે. બ્રાઉઝિંગ ડેટા સાફ કરો પર ટેપ કરો. હવે તમારે તે સમય શ્રેણી પસંદ કરવી પડશે જેમાં તમે કેશ કાઢી નાખવા માંગો છો. કેશ્ડ ઇમેજ અને ફાઇલ્સનો વિકલ્પ ઉપલબ્ધ હશે, તેની બાજુમાં આપેલા ચેકમાર્ક પર ટેપ કરો, પછી Clear data પર ટેપ કરો.
