આજના યુગમાં સ્માર્ટફોન આપણા જીવનનો આવશ્યક ભાગ બની ગયો છે. કોઈ દિવસ ફોન ન ચાલે કે ધીમો થઈ જાય તો આપણું જીવન થંભી જાય છે. તેથી જો તમે ધીમા ફોનથી પરેશાન છો અને તેના કારણે નવો સ્માર્ટફોન લેવા માંગો છો, તો તમારે આવું કરવાની જરૂર નથી. તમે ઘરે બેઠા બેઠા તમારા ફોનની સ્પીડ વધારી શકશો. અમે તમારી આ સમસ્યાનો ઉકેલ લાવ્યા છીએ. તમે ફોનની સેટિંગ્સ બદલીને સ્માર્ટફોનને ઝડપી બનાવી શકો છો.
- સ્માર્ટફોન એક OS વર્ઝન પર ચાલે છે જેને સમયની સાથે અપડેટ કરવું પડે છે. જો યુઝર્સ પોતાના ફોનમાં જૂના વર્ઝનનો ઉપયોગ કરશે તો ફોનની સ્પીડ ધીમી થઈ જશે. આ માટે સ્માર્ટફોનના સેટિંગમાં જાઓ અને ત્યાં અબાઉટ ફોન વિકલ્પમાં ફોનને અપડેટ કરવાનો વિકલ્પ મળશે.
- સસ્તા સ્માર્ટફોનમાં ઓછી સ્ટોરેજ હોય છે અને તેની રેમ પણ ઓછી હોય છે. આવા ફોન માટે એ જરૂરી છે કે તમે તેમાં લાઇટ વર્ઝનનો ઉપયોગ કરો.
- સ્માર્ટફોનમાં રાખેલી એપ્સને અપડેટ કરતા રહો. ઘણી વખત એપ્સ અપડેટ ન થવાને કારણે ધીમી પડી જાય છે. એપ્સ અપડેટ કરવા માટે, તમે Google Playstore પર જઈને તમારી બધી એપ્સને એક સાથે અપડેટ પણ કરી શકો છો.
- સ્માર્ટફોનનો ઉપયોગ કર્યાના 1 કે 2 વર્ષ પછી, તેમાં ઘણી બધી ફાઇલો ડાઉનલોડ થાય છે અને ઘણી બિનજરૂરી એપ્સ પણ ત્યાં પડી હોય છે, તેથી તેને કાઢી નાખવી પણ જરૂરી છે.
- આ પછી પણ ફોનની સ્પીડ પર કોઈ અસર થતી નથી, તો તમારે ફોનને ફેક્ટરી રીસેટ કરવો જોઈએ, જેનાથી ફોનમાંથી બધી બિનજરૂરી ફાઈલો, એપ્સ અને અન્ય ઘણી સામગ્રીઓ ડિલીટ થઈ જશે.