SP અને TMCને જોડતી કોઇ એક વસ્તુ જો હોય તો તે માત્ર તૃષ્ટિકરણ છેઃ વડાપ્રધાન મોદી
લોકસભા ચૂંટણી 2024નું 4 તબક્કાનું મતદાન થયું છે. 20 મેના રોજ પાંચમા તબક્કાનું મતદાન થશે. આ સંદર્ભે પીએમ નરેન્દ્ર મોદી ચૂંટણી મોરચો સંભાળી રહ્યા છે.પીએમ મોદીએ યુપીમાં એક પછી એક ઘણી રેલીઓ કરી છે અને તેઓ બીજી ઘણી રેલીઓ કરવાના છે. આજે પીએમ મોદી આઝમગઢ, જૌનપુર, ભદોહી અને પ્રતાપગઢની મુલાકાતે છે. પીએમ મોદીએ 11 વાગે આઝમગઢના લાલગંજમાં જનસભાને સંબોધિત કરી હતી. આ પછી પીએમ મોદી બપોરે 2 વાગે જોનપુરમાં અને હવે ભદોહીમાં જનસભાને સંબોધિત કરી
એસપી આતંકવાદી સંગઠનોના શુભચિંતક છે.
ટીએમસી પર નિશાન સાધતા પીએમ મોદીએ કહ્યું કે તેમનો એક નેતા કહે છે કે તેઓ હિંદુઓને મારી નાખશે અને ભાગીરથી નદીમાં ડુબાડી દેશે. પીએમ મોદીએ કહ્યું કે યુપીની સપા સરકાર આતંકવાદી સંગઠન સિમી પર મહેરબાન છે. તેણે સિમીના આતંકીને જેલમાંથી છોડાવ્યો હતો. બુઆ-બબુઆ પર નિશાન સાધતા પીએમ મોદીએ પૂછ્યું કે શું અખિલેશ યાદવે બંગાળની તેમની બુઆને પૂછ્યું કે યુપી-બિહારના લોકોને બંગાળમાં બહારના લોકો કેમ કહેવામાં આવે છે. બંગાળમાં ટીએમસીના લોકો યુપી-બિહારના લોકો સાથે કેમ દુર્વ્યવહાર કરે છે?
SP અને TMCને કઇ વસ્તુ જોડે છે, તેમ કહેતા
પીએમ મોદીએ કહ્યું કે ટીએમસી અને સપાને જોડતી એકમાત્ર વસ્તુ તુષ્ટિકરણ છે. તુષ્ટિકરણના આ ઠેકેદારો ભારતની ઓળખ બદલવા માંગે છે. આ એ જ લોકો છે જેઓ ભગવાન રામને કાલ્પનિક પાત્ર કહેતા હતા. તેમના સમયમાં અયોધ્યાના રસ્તા અને ઘાટની શું હાલત હતી? બનારસમાં ઘાટ અને શેરીઓની શું હાલત હતી? પીએમ મોદીએ પૂછ્યું કે શું આ દુર્દશા જોઈને દુઃખ થાય છે કે નહીં.
શું સપા, કોંગ્રેસ, તૃણમુલ કોંગ્રેસના લોકોએ ક્યારેય મંદિર બનવા દીધું હોત ? આજે ભવ્ય રામ મંદિર આપણી નજર સામે છે. પીએમ મોદીએ પોતાના સંબોધનમાં કહ્યું કે રામ લલ્લા હવે તંબુમાંથી બહાર આવીને ભવ્ય મંદિરમાં ગયા છે, તે ગર્વની વાત છે. રામલલા તંબુમાં હતા ત્યારે અમને પીડા થતી હતી.
પીએમએ કહ્યું કે કોંગ્રેસ કોર્ટના નિર્ણયને બદલીને રામ મંદિરને તાળાબંધી કરવા માંગે છે અને રામ લલ્લાને ફરીથી તંબુમાં રહેવા મજબૂર કરવા માંગે છે. તેમની આ યોજનાઓ ક્યારેય સફળ નહીં થાય. તેમને જવાબ આપવામાં આવશે.
પીએમ મોદીએ કહ્યું કે બીજેપીના કારણે જ ભવ્ય રામ મંદિરનું નિર્માણ થયું, બીજેપીના કારણે જ બનારસમાં બાબાનું ધામ તૈયાર થયું અને બીજેપીના કારણે જ મા વિદ્યાવાસિનીનું ધામ તૈયાર થયું. પીએમ મોદીએ વધુમાં કહ્યું કે ભાજપે દિવસ-રાત યુપીની છબી બદલી છે. આજે યુપીની ઓળખ તેના એક્સપ્રેસ વેથી થાય છે. યુપીમાં 6 એક્સપ્રેસ વે છે. વધુ 5 નવા એક્સપ્રેસ વે બનાવવામાં આવી રહ્યા છે.
