મોટાભાગના લોકો એક જ વસ્તુ ખાવાથી કંટાળી જાય છે. આવામાં તે મસાલેદાર અને સ્વાદિષ્ટ ખાવાનું પસંદ કરે છે. તમને એક રેસિપી વિશે જણાવીશું, જેને અનુસરીને તમે સ્પ્રાઉટ્સનો આનંદ લઈ શકો છો અને તમારા નાસ્તાને વધુ સ્વાદિષ્ટ બનાવી શકો છો. તમે સ્પ્રાઉટ્સની મદદથી ઓછા સમયમાં ઘરે ચીલા તૈયાર કરી શકો છો. ખાવામાં સ્વાદિષ્ટ હોવા ઉપરાંત તે સ્વાસ્થ્ય માટે પણ ખૂબ જ ફાયદાકારક માનવામાં આવે છે. બનાવવાની રીત.
સામગ્રી
એક કપ અંકુરિત અનાજ, એક કપ ચણાનો લોટ, અડધો કપ બારીક સમારેલી ડુંગળી, લીલા મરચાં, ધાણાજીરું, થોડું આદુ લસણની પેસ્ટ, એક ચમચી હળદર, લાલ મરચું પાવડર, ગરમ મસાલા પાવડર, મીઠું અને તેલ
રીત
સૌથી પહેલા તમારે એક બાઉલમાં સ્પ્રાઉટ્સ, ચણાનો લોટ, ડુંગળી, લીલા મરચાં, ધાણાજીરું, આદુ લસણની પેસ્ટ, લાલ મરચું પાવડર, ધાણા પાવડર, ગરમ મસાલો, મીઠું અને પાણી ઉમેરીને સારી રીતે પેસ્ટ તૈયાર કરી લો.
પાણી ઉમેરતી વખતે ધ્યાનમાં રાખો કે તમારે આ પેસ્ટને ઘટ્ટ કરવાની છે. તેને વધારે ભીનું ના કરો, નહીં તો ચીલા બનાવવામાં મુશ્કેલી પડશે. હવે એક નોન-સ્ટીક તવાને ગરમ કરો, પછી તેના પર થોડું તેલ લગાવો અને તૈયાર કરેલી પેસ્ટને તવા પર ફેલાવો.
જ્યારે તે એક બાજુથી સોનેરી થઈ જાય ત્યારે તેને ફેરવીને બીજી બાજુથી પણ સોનેરી બનાવી લો. બંને બાજુ તેલ લગાવીને પકાવો, પછી તેને ગરમ ચટણી અથવા દહીં સાથે સર્વ કરો.
