નવરાત્રી પર્વમાં તમારું વજન સરળતાથી ઘટાડવું હોય તો અપનાવો આ ટીપ્સ
શારદીય નવરાત્રી દરમિયાન કેટલાક ભક્તો 9 દિવસ સુધી ઉપવાસ કરે છે. નવ દિવસ સુધી મા દુર્ગાના વિવિધ સ્વરૂપોની પૂજા કરવામાં આવે છે. દેવીની શક્તિ અને ભક્તિ એવી છે કે વ્યક્તિને ખ્યાલ પણ નથી આવતો કે તે 9 દિવસનો ઉપવાસ કરી રહ્યો છે. આવી સ્થિતિમાં ઘણા લોકો નવરાત્રિ દરમિયાન તેમના વધેલા વજનને સંતુલિત કરવા ઈચ્છે છે. નવરાત્રીના ઉપવાસ દરમિયાન કેવી રીતે વજન ઘટાડી શકાય છે જાણો…
ડાયટિશિયન કહે છે કે નવરાત્રી દરમિયાન તમે સરળતાથી 3 થી 5 કિલો વજન ઘટાડી શકો છો. આ માટે તમારે આખો દિવસ ભૂખ્યા રહેવાની જરૂર નથી. તેના બદલે, તમારા આહારને ધ્યાનમાં રાખીને, તમારે ઉપવાસની સાથે તમારા વજનને નિયંત્રિત કરવું જોઈએ, આ માટે તમારે શું ખાવું જોઈએ અને ક્યારે ખાવું જોઈએ તેના પર સંપૂર્ણ ધ્યાન આપવું પડશે.
• તમારા આહારમાં આ વસ્તુઓનો સમાવેશ કરો
ફળ ખાઓઃ ઉપવાસ દરમિયાન વજન ઘટાડવા માટે, તમારા આહારમાં શક્ય તેટલા ફળોનો સમાવેશ કરો. દિવસની શરૂઆતમાં સવારે 1 સફરજન ખાઓ. આ ઉર્જા પ્રદાન કરશે. આ પછી કેળા, પપૈયા, નાસપતી, જામફળ, નારંગી અને દ્રાક્ષ જેવા ફળો ખાઓ. ફળ ખાવાથી શરીરને ફાઈબર અને પુષ્કળ એનર્જી મળશે. પાણીથી ભરપૂર ફળો ઝડપી વજન ઘટાડવામાં મદદ કરે છે.
નાળિયેર પાણી પીવોઃ દિવસભર હાઇડ્રેટેડ રહેવા માટે સવારે નારિયેળ પાણી પીવો. આનાથી શરીરમાં પાણીની કમી દૂર થશે અને વજન ઘટાડવામાં મદદ મળશે. નારિયેળ પાણી પીવાથી શરીરને જરૂરી વિટામિન્સ અને મિનરલ્સ મળે છે. તેનાથી શરીરમાં એનર્જી આવે છે અને ખાલી પેટ ગેસ, એસિડિટી અને પેટમાં બળતરા જેવી સમસ્યા દૂર થાય છે.
ડ્રાય ફુટ્સઃ નવરાત્રિના ઉપવાસ દરમિયાન શરીરને શક્તિની જરૂર હોય છે. જે લોકો 9 દિવસ સુધી ઉપવાસ કરે છે તેઓ દરરોજ મુઠ્ઠીભર ડ્રાયફ્રૂટ્સ ખાય છે. ડ્રાય ફ્રૂટ્સ શરીરને એનર્જી આપશે અને જરૂરી વિટામિન્સની ઉણપ પૂરી થશે. વ્રત દરમિયાન તમે કાજુ, બદામ, કિસમિસ, અખરોટ અને ખજૂર ખાઈ શકો છો.
શાકભાજી ખાઓઃ ઉપવાસ દરમિયાન, તમે ઘણી શાકભાજી ખાઈ શકો છો જે વજન ઘટાડે છે. વજન ઘટાડવા માટે લોકો બાફેલા બટાકા ખાય છે પરંતુ તેના બદલે દૂધી અને કોળું ખાવુ જોઈએ. ઉપવાસ દરમિયાન એક વખત દૂધીનું શાક ખાઓ. તેનાથી સ્થૂળતા ઓછી થશે અને પેટ પણ સરળતાથી ભરાશે.
છાશ અને દહીઃ ઉપવાસ દરમિયાન તમારે પ્રવાહીના સેવન પર વધુ ધ્યાન આપવું પડશે. આ માટે તમારા આહારમાં દહીં અને છાશનો સમાવેશ કરો. દહીં ખાવાને બદલે છાશ કે લસ્સી બનાવીને પીવી સારું રહેશે. તમે જીરું અને સેંધાલુ મીઠું મિક્સ કરીને છાશ પી શકો છો.
