લસણની છાલ ફેંકી દેતા હોય તો આ પહેલા વાંચજો, તેના છે અનેક ફાયદા

• સ્વાદ વધારવા લસણની મહત્વની ભૂમિકા
• લસણની છાલના છે અનેક ફાયદા
• સ્વાસ્થ્ય સંબધી સમસ્યાને કરે છે દૂર

મોટાભાગના લોકો શાકભાજીની છાલ કાઢી અને તેને ફેંકી દેતા હોય છે. જો કે તેઓ જાણતા નથી હોતા કે આ છાલમાં વિટામિન એ, સી, ઈ અને એંટીઓક્સીડેંટ્સ જેવા પોષક તત્વો હોય છે.

આવી જ ઉપયોગી હોય છે લસણની છાલ પણ. લસણની છાલમાં ફેનાઈલપ્રોપાનોઈડ એંટીઓક્સીડેંટ હોય છે. તે સ્વાસ્થ્ય માટે લાભકારી હોય છે. આ તત્વ એજિંગની પ્રોસેસને ધીમી કરે છે અને કોલેસ્ટ્રોલને ઘટાડે છે

લસણની જેમ, તેની છાલ પણ સુંદરતા માટે અને અન્ય સ્વાસ્થ્ય સંબધી સમસ્યાઓને દૂર કરવા મહત્વનો ભાગ છે. તો ચાલો જાણીએ લસણની છાલના ફાયદા.

સોજો ઘટાડવા માટે લસણની છાલ ફાયદાકારક છે. આ માટે તમારે લસણની છાલને પાણીમાં ઉકાળવાની જરૂર છે.પાણી ગરમ થયા પછી, તમારા પગને થોડીવાર આ પાણીમાં ડુબાડો અને થોડી વાર બેસો. આ પગનો સોજો ઘટાડે છે.આ ઉપરાંત ઠંડીથી બચાવવામાં પણ તમને લસણની છાલ મદદ કરી શકે છે. આ માટે તમે પાણીમાં લસણની છાલ ઉકાળો. તે પછી, આ પાણી પીવાથી તમારી શરદી અને ખાંસી દૂર થશે.

લસણની છાલનો ઉપયોગ તમે ત્વચાની ખંજવાળ ઘટાડવા માટે કરી શકો છો. આ માટે લસણની છાલને પાણીમાં ઉકાળો અને આ પાણીને ખંજવાળવાળા વિસ્તારમાં લગાવો.આ સિવાય લસણની છાલનો ઉપયોગ છોડ માટે કુદરતી ખાતર તરીકે પણ થઈ શકે છે. તેમાં રહેલા પોષક તત્વો જમીનને સમૃદ્ધ બનાવે છે. તે છોડને સ્વસ્થ રાખવામાં ખાસ ભૂમિકા ભજવે છે.

કેટલાક ખોરાકમાં લસણની છાલનો ઉપયોગ કરવાથી સ્વાદ પણ સુધરે છે. આ ઉપરાંત, ખોરાકનું પોષણ વધારે છે. અગત્યનું, જો તમે સૂપ, સ્ટોક અને શાકભાજીમાં લસણની છાલનો ઉપયોગ કરો છો, તો ખોરાકનો સ્વાદ સુધરશે.