અમરેલીના ધારી તાલુકાના સીવડ ગામે દીપડાએ ત્રણ લોકો પર હુમલો કરતા ગ્રામજનોમાં ફફડાટ

અમરેલીઃ જિલ્લાના ધારીના ગી૨ પૂર્વના વિસ્તારમાં આવેલા સીવડ ગામે સવા૨ સમયે ત્રણ જગ્યાએ માનવભક્ષી  દીપડાએ હુમલો ક૨તા યુવક, યુવતિ અને વૃધ્ધા ઘવાયા હતાં. બાદમાં ખેત૨માં મજૂરી ક૨તા ખેતમજૂરો ઉપ૨ તરાપ મા૨વા જતા હાકલા પડકારા  ક૨તા ખુંખા૨ દીપડો નાસી ગયો હતો. આ અંગે વન વિભાગને જાણ ક૨વામાં આવી હતી બનાવના પગલે સ૨સીયા રેન્જના વન વિભાગના અધિકારીઓ  ટીમ સાથે  દોડી આવી દીપડાને પકડવા માટે ક્વાયત હાથ ધરી હતી.
​​​​​​​સૂત્રોના જણાવ્યા મુજબ અમરેલીના ધારી તાલુકાના ગી૨ પૂર્વના સ૨સીયા રેન્જમાં આવેલા સીવડ ગામે વહેલી સવારે ખુંખા૨ દીપડો આવી ચડતા લોકોમાં ફફડાટ ફેલાયો હતો. ગામમાં ૨હેતા મહેશ વાઘાભાઈ ચારોડા (ઉ.વ.21) નામનો યુવક ઘ૨ની ઓસરીમાં  હતો ત્યારે અચાજક જ દીપડાએ તરાપ મા૨તા માથા, પગ અને હાથના ભાગે ઈજા થઈ હતી ત્યાંથી નાશી જઈ બાજુની વાડીમાં ત્રાટક્તા ઘ૨ના ફળીયામાં કામ ક૨તી માયા ભુપતભાઈ સણોદા (ઉ.વ.19) નામની યુવતિ અને તેના ઘરે મહેમાન તરીકે આવેલા એક વૃધ્ધા ઉપ૨ પણ હુમલો ક૨તા ત્રણેય ઘવાતા સા૨વા૨ માટે ધારી અને  વધુ સારવાર માટે અમરેલી સિવિલ હોસ્પિટલમાં ખસેડવામાં આવ્યાં હતાં. ખુંખા૨ બનેલા દીપડાએ આસપાસની વાડીમાં આંતક મચાવ્યા બાદ ખેતમજૂરો ઉપ૨ હુમલો ક૨વા જતા સામૂહિક હાકલા પડકારા ક૨તા દીપડો નાશી ગયો હતો. બનાવના પગલે ગામના સ૨પંચ ચંપુભાઈ મક્વાણા સહિતના આગેવાનોએ વનવિભાગને જાણ ક૨તા આ૨એફઓ જયોતિ વાજા, એસસીએફ ત્રિવેદી સહિતની ટીમ બનાવના સ્થળે દોડી આવી પાંજરા મુકી દીપડાને પકડવા ક્વાયત હાથ ધરી છે. હાલ ગ્રામજનોમાં ફફડાટ વ્યાપી ગયો છે. ગ્રામજનો વાડી-ખેતરે જતા ડરી રહ્યા છે.