દેશના 10 સરહદી રાજ્ય અને કેન્દ્ર શાસિત પ્રદેશોમાં 90 ઈન્ફ્રાસ્ટ્રક્ચર પ્રોજેક્ટસનું ઉદ્ધાટન
નવી દિલ્હીઃ રક્ષા મંત્રી રાજનાથ સિંહ સમગ્ર દેશમાં 90 ઈન્ફ્રાસ્ટ્રક્ચર પ્રોજેક્ટ્સનું ઉદ્ઘાટન કર્યું, જે તમામનું નિર્માણ બોર્ડર રોડ ઓર્ગેનાઈઝેશન (BRO) દ્વારા કુલ રૂ. 2,941 કરોડના ખર્ચે કરવામાં આવ્યું છે. આ તમામ પ્રોજેક્ટ ભારતના ઉત્તરી અને ઉત્તર-પૂર્વીય પ્રદેશોમાં સ્થિત 10 સરહદી રાજ્યો અને કેન્દ્રશાસિત પ્રદેશોમાં પૂર્ણ કરવામાં આવ્યા છે.
રાજનાથ સિંહે આજે 22 રસ્તાઓ, 63 પુલ, અરુણાચલ પ્રદેશમાં નેચિફુ ટનલ, પશ્ચિમ બંગાળમાં બે એરફિલ્ડ અને બે હેલિપેડનું ઉદ્ઘાટન કર્યું. બીઆરઓએ આ મહત્વપૂર્ણ વ્યૂહાત્મક પ્રોજેક્ટ્સનું બાંધકામ નોંધપાત્ર રીતે ટૂંકા સમયની ફ્રેમમાં પૂર્ણ કર્યું છે. આ પ્રોજેક્ટ્સમાં, જમ્મુ અને કાશ્મીરમાં 11, લદ્દાખમાં 26, અરુણાચલ પ્રદેશમાં 36, મિઝોરમમાં 5, હિમાચલ પ્રદેશમાં 3, સિક્કિમ, ઉત્તરાખંડ અને પશ્ચિમ બંગાળમાં 2-2 અને નાગાલેન્ડ, રાજસ્થાનમાં 1-1નું નિર્માણ કરવામાં આવ્યું છે.
2021 માં, કુલ 102 બીઆરઓ ઇન્ફ્રાસ્ટ્રક્ચર પ્રોજેક્ટ્સ 2,229 કરોડ રૂપિયાના ખર્ચે રાષ્ટ્રને સમર્પિત કરવામાં આવ્યા હતા. બીઆરઓના એક વરિષ્ઠ અધિકારીએ કહ્યું કે અન્ય એક મહત્વપૂર્ણ ઇન્ફ્રાસ્ટ્રક્ચર પ્રોજેક્ટનું ઉદ્ઘાટન થવાનું છે જે અરુણાચલ પ્રદેશમાં બલીપારા-ચારદુઆર-તવાંગ રોડ પર 500-મીટર લાંબી નેચિફુ ટનલ છે. આ ટનલ, નિર્માણાધીન સેલા ટનલ સાથે, તવાંગ પ્રદેશને આખું વર્ષ કનેક્ટિવિટી પ્રદાન કરશે, જેનાથી ત્યાં તૈનાત સશસ્ત્ર દળો અને પ્રાચીન તવાંગ વિસ્તારની મુલાકાત લેતા પ્રવાસીઓ બંનેને ફાયદો થશે. પશ્ચિમ બંગાળમાં પુનઃનિર્મિત અને સુધારેલ બાગડોગરા અને બેરકપોર એરફિલ્ડનું આજે ઉદ્ઘાટન કરવામાં આવશે.
બીઆરઓએ પ્રોજેક્ટમાં કુલ રૂ. 529 કરોડનું રોકાણ કરીને આ મહત્ત્વપૂર્ણ પરિવર્તન કર્યું છે. આ અપગ્રેડેડ એરફિલ્ડ્સ માત્ર ઉત્તરીય સરહદો પર ભારતીય વાયુસેનાની રક્ષણાત્મક અને આક્રમક ક્ષમતાઓને જ નહીં પરંતુ પ્રદેશમાં વ્યાપારી ઉડાન કામગીરીને ટેકો આપવા અને સુધારવા માટે છે. રાજનાથ સિંહ લદ્દાખમાં ન્યોમા એરફિલ્ડનું ઈ-શિલાન્યાશ પણ કરશે. પૂર્વી લદ્દાખમાં ન્યોમા એરફિલ્ડને 218 કરોડ રૂપિયાના ખર્ચે વિકસાવવામાં આવી રહ્યું છે જેથી વિશાળ શ્રેણીની વ્યૂહાત્મક હવાઈ સંપત્તિને સમાવવામાં આવે.
