ભારત ચીન કોર કમાંડર સ્તર ની બેઠક યોજાઇ આ મુદ્દાઓ પર થઈ ચર્ચા

દિલ્હીઃ- ચીન અને ભારત વચ્ચે છેલ્લા ઘણા સમયથી તણાવ પૂર્ણ સ્થિતિ જોવા મળી રહી છે ત્યારે અત્યાર સુઘી અનેક સ્તરની કોર કમાન્ડરની બેઠક બન્ને દેશો વચ્ચે યોજાઈ ચૂકી છે.ત્યારે ફરી  ભારત અને ચીન વચ્ચે 9 અને 10 ઓક્ટોબરના રોજ કોર્પ્સ-કમાન્ડર સ્તરની બેઠક યોજાઈ હતી. આ બેઠકનો 20મો રાઉન્ડ હતો.

ઉલ્લેખનીય છે કે પેંગોંગ લેક વિસ્તારમાં હિંસક અથડામણ બાદ તણાવ વધી ગયો હતો 5 મે, 2020 ના રોજ પેંગોંગ તળાવ વિસ્તારમાં હિંસક અથડામણ પછી પૂર્વી લદ્દાખ સરહદ પર અવરોધ ઉભો થયો હતો. જૂન 2020 માં ગાલવાન ખીણમાં હિંસક અથડામણને પગલે બંને દેશો વચ્ચેના સંબંધો નોંધપાત્ર રીતે બગડ્યા હતા, જે દાયકાઓમાં બંને પક્ષો વચ્ચેનો સૌથી ગંભીર લશ્કરી સંઘર્ષ હતો. ત્યારથી આ બેઠકનો દોર શરુ છે.

જાણકારી પ્રમાણે આ બેઠક ભારતની બાજુમાં ચુશુલ-મોલ્ડો બોર્ડર પાસે થઈ હતી. બંને દેશોએ શક્ય તેટલી વહેલી તકે અને નિખાલસ, ખુલ્લી અને રચનાત્મક રીતે પરસ્પર સ્વીકાર્ય રીતે વાતચીત કરી અને મંતવ્યો શેર કર્યા.

વઘુ માહિતી અનુસાર, ભારત અને ચીન સંબંધિત સૈન્ય અને રાજદ્વારી મિકેનિઝમ દ્વારા વાતચીત અને વિચારોના આદાનપ્રદાનની ગતિ જાળવી રાખવા માટે સંમત થયા છે. તેમણે વચગાળામાં સરહદી વિસ્તારોમાં પાયાના સ્તરે શાંતિ જાળવવા માટે પણ પ્રતિબદ્ધતા વ્યક્ત કરી હતી

આ સહીત  બંને દેશોના રાષ્ટ્રીય નેતૃત્વ દ્વારા આપવામાં આવેલા માર્ગદર્શન મુજબ, બેઠકમાં પશ્ચિમી ક્ષેત્રમાં વાસ્તવિક નિયંત્રણ રેખા પરના બાકી રહેલા મુદ્દાઓને ઉકેલવા માટે મહત્વપૂર્ણ ચર્ચાઓ કરવામાં આવી હતી.

આ સાથે જ આ વાતચીત  દરમિયાન, 13-14 ઓગસ્ટ 2023 ના રોજ યોજાયેલી કોર્પ્સ કમાન્ડરોની બેઠક દરમિયાન ઉઠાવવામાં આવેલા મુદ્દાઓ અને ઉકેલોની પણ સમીક્ષા કરવામાં આવી હતી. અગાઉ, 23 એપ્રિલે યોજાયેલી સૈન્ય વાટાઘાટોના 18મા રાઉન્ડમાં, ભારતીય પક્ષે ડેપસાંગ અને ડેમચોકમાં પેન્ડિંગ મુદ્દાઓને ઉકેલવા માટે દબાણ કર્યું હતું.

.ચીનની આક્રમકતા બાદ સ્થિતિ વધુ વણસી હતી 2020 માં કોરોના દરમિયાન વાસ્તવિક નિયંત્રણ રેખા (LAC) પર યથાસ્થિતિ બદલવા માટે ચીને ભારે હથિયારો અને મોટી સંખ્યામાં સૈનિકોને આક્રમક રીતે આગળ વધારવાનો પ્રયાસ કર્યા પછી પૂર્વી લદ્દાખ ક્ષેત્રમાં બંને પક્ષો વચ્ચેના મુદ્દાઓને ઉકેલવા માટે. કોર્પ્સ કમાન્ડર-સ્તરની વાટાઘાટો થઈ હતી.

આ યોજાયેલી મંત્રણામાં, બંને દેશો સૈન્ય-રાજદ્વારી ચેનલો દ્વારા સંપર્કમાં રહેવા અને સંવાદ જાળવવા અને બાકી રહેલા મુદ્દાઓના સ્વીકાર્ય નિરાકરણ પર વહેલી તકે કામ કરવા સંમત થયા હતા.