Site icon Revoi.in

ભારત 2028 સુધીમાં એક ટ્રિલિયન ડૉલરનું ડિજિટલ અર્થતંત્ર બનશે

Social Share

નવી દિલ્હીઃ સરકારની ડિજિટલ પહેલો સાથે, ભારતની નાણાકીય ઇકોસિસ્ટમમાં વર્ષોથી એક મોટું પરિવર્તન આવ્યું છે. આસ્ક કેપિટલના તાજેતરના અહેવાલમાં જણાવાયું છે કે, ભારત 2028 સુધીમાં 1 ટ્રિલિયન યુએસ ડોલરની ડિજિટલ અર્થવ્યવસ્થા બનવાની તૈયારીમાં છે, જેમાં છેવાડા સુધી ઈન્ટરનેટ પહોંચવુ, કાર્યક્ષમ અને સસ્તું 4G અને 5G સેવાઓ અને ડિજિટલ ક્ષેત્રમાં સરકારી પહેલ મહત્વની ભૂમીકા છે.

UPI જેવી સ્વદેશી તકનીકી નવીનતાઓથી લાભ મેળવીને ભારત વાસ્તવિક સમયની ચૂકવણીનું વૈશ્વિક ઉદાહરણ બની ગયું છે. ભારતનું ડિજિટલ પરિવર્તન આર્થિક વૃદ્ધિ માટે ગેમ ચેન્જર સાબિત થશે. છેલ્લા કેટલાક વર્ષોમાં ભારતીય અર્થવ્યવસ્થાના ડિજિટલાઇઝેશનની સાથે સ્માર્ટફોનના વધતા ઉપયોગે કેશલેસ ટ્રાન્ઝેક્શન અને ઓનલાઇન શોપિંગને પ્રોત્સાહન આપ્યું છે.

ઈન્ડિયન કાઉન્સિલ ફોર ઈન્ટરનેશનલ ઈકોનોમિક રિલેશન્સ રિસર્ચ (ICRIER) અનુસાર, ડિજિટલ કૌશલ્ય પર ભારતનો સ્કોર ડિજિટલાઈઝેશનના એકંદર સ્તરના સંદર્ભમાં જાપાન, યુનાઈટેડ કિંગડમ અને જર્મની જેવા વિકસિત દેશોને પાછળ છોડી ગયો છે. પ્રધાનમંત્રી જન ધન યોજના (PMJDY) અને ડાયરેક્ટ બેનિફિટ ટ્રાન્સફર (DBT) જેવી સરકારી પહેલોએ દેશમાં સાર્વત્રિક પહોંચ અને નાણાકીય સમાવેશને વધારવામાં મદદ કરી છે. મોબાઈલ અને બ્રોડબેન્ડના પ્રવેશમાં વધારો નાણાકીય સમાવેશને વધુ ગાઢ બનાવશે અને નવી ડિજિટલ સેવાઓને પ્રોત્સાહન આપશે.

ભારતમાં ડિજિટલ મનોરંજન, ઓનલાઈન શિક્ષણ, ટેલિ-મેડિસિન, ડિજિટલ હેલ્થ, ડિઝાસ્ટર રિસ્પોન્સ અને લાઈફ સેવિંગ સેવાઓ ભારતમાં વધુ સારી મોબાઈલ અને ઈન્ટરનેટ સેવાઓનો લાભ લઈ રહી છે. સસ્તું ડેટા, સ્માર્ટફોન વપરાશકર્તાઓની વધતી સંખ્યા અને ઈ-કોમર્સમાં વૃદ્ધિ ભારતના ડિજિટલ પરિવર્તનને આગળ ધપાવે છે. માર્ચ 2024 સુધીમાં, ટેલિકોમ રેગ્યુલેટરી ઓથોરિટી ઓફ ઈન્ડિયા (TRAI) ના ડેટા દર્શાવે છે કે ભારતમાં લગભગ 120 કરોડ ટેલિકોમ ગ્રાહકો છે.

ઇન્ટરનેટ સબ્સ્ક્રાઇબર્સની કુલ સંખ્યા માર્ચ 2023માં 881 કરોડથી વધીને માર્ચ 2024ના અંત સુધીમાં 954 કરોડ થવાની ધારણા છે, જેમાંથી લગભગ અડધા ગ્રામીણ વિસ્તારોમાંથી છે. છેલ્લા એક વર્ષમાં 7.3 કરોડથી વધુ ઇન્ટરનેટ ગ્રાહકો અને 7.7 કરોડથી વધુ બ્રોડબેન્ડ ગ્રાહકો જોડાયા છે.