દિલ્હી:ભારતીય-અમેરિકન મહિલા નબીલા સૈયદે અમેરિકાની મધ્યસત્ર ચૂંટણીમાં ઈલિનોઈસ જનરલ એસેમ્બલીની ચૂંટણી જીતીને ઈતિહાસ રચ્યો છે.નબીલા આ ચૂંટણી જીતનારી અત્યાર સુધીની સૌથી યુવા મહિલા બની છે.નબીલા સૈયદ માત્ર 23 વર્ષની છે અને તેણે આ વખતની યુએસ મિડ-ટર્મ ચૂંટણીમાં રિપબ્લિકન હરીફ ક્રિસ બોસને હરાવ્યા છે.નબીલાને ઇલિનોઇસ તરીકે 51મા જિલ્લા માટે સ્ટેટ હાઉસ ઓફ રિપ્રેઝન્ટેટિવ્સની ચૂંટણીમાં 52.3 ટકા મત મળ્યા હતા.
તેણે આ જીતની ખુશી સોશિયલ મીડિયા પર શેર કરી હતી.નબીલા સૈયદે પોતાના ટ્વીટર હેન્ડલ પરથી કરેલી ટ્વીટ શેર કરતા લખ્યું કે, “મારું નામ નબીલા સૈયદ છે. હું 23 વર્ષની મુસ્લિમ, ભારતીય-અમેરિકન મહિલા છું.અમે હમણાં જ રિપબ્લિકન દ્વારા યોજાયેલી શહેરી સંસ્થા માટે ચૂંટણી જીતી છે. તેણીએ વધુમાં લખ્યું કે , “અને જાન્યુઆરીમાં હું ઇલિનોઇસ જનરલ એસેમ્બલીની સૌથી યુવા સભ્ય બનીશ.” એક ટ્વીટના જવાબમાં સૈયદે લખ્યું, “કાલની ટિપ્પણીઓ માટે દરેકનો આભાર.અમારી પાસે એક અદ્ભુત ટીમ હતી જેણે આ શક્ય બનાવ્યું.”
સોશિયલ મીડિયા પર સૈયદને અભિનંદન પાઠવતા લોકોનો ધસારો જોવા મળ્યો હતો. એક યુઝરે લખ્યું, ‘મને યુવાનોના આગળ આવવા પર ખૂબ ગર્વ છે. આ તમારો સમય છે. મહાન કામ કરો અન્ય એક યુઝરે લખ્યું – શાનદાર કામ, નબીલા સૈયદ, તમે કઈ એકલા નથી અમે દરેક પગલા પર તમારી સાથે છીએ.અન્ય યુઝરે પોસ્ટ કર્યું,અભિનંદન. તમને આગળની લાંબી મુસાફરીની શુભેચ્છા.નબીલા સૈયદ યુનિવર્સિટી ઓફ કેલિફોર્નિયા, બર્કલેમાંથી પોલિટિકલ સાયન્સ એન્ડ બિઝનેસ એડમિનિસ્ટ્રેશનમાં સ્નાતક થયા છે.
