Indian Navy: ફ્રાંન્સ ભારતને 26 ફાઈટર વિમાન વેચી શકે છે, જાણો કેટલો મોટો કરાર હશે

• 22 સિંગલ સીટર અને 4 ડબલ સિટર જેટ ખરીદશે સરકાર

ભારત, ફ્રાંસ જોડે 26 ફાઈટર વિમાન ખરીદવાનો સોદો કરી શકે છે. ફ્રાંસ સરકારે સોદાની દરખાસ્ત મોકલી છે. દરખાસ્ત અનુસાર, આ સોદો 50 હજાર કરોડ રૂપિયાનો હોય શકે છે. આ સોદા સાથે ભારતને ફાઈટર વિમાન સાથે તેની ટ્રેઈનિંગ, જાળવણી અને લોજિસ્ટિક સપોર્ટ પણ મળશે.

ભારત સરકાર નૌસેના માટે 22 સિંગલ સીટર ફાઈટર વિમાન અને 4 ડબવ સીટર ટ્રેનર વિમાન ખરીદવાની તૈયારી કરી રહ્યું છે. સરકારે ઓક્ટોબરમાં આ સોદા માટે લેટર ઓફ રિક્વેસ્ટ (LOR) જારી કર્યું હતુ. આના પર ફ્રાંસ સરકારે ફાઈટર વિમાન વેચવા માટે લેટર ઓફ એક્સેપટેંન્સ (LOA) મોકલ્યો હતો. આ લેટરમાં સોદા સંબધિત બધી જ માહિતી છે. ફ્રાંન્સે સોદાની દરખાસ્ત 50 હજાર કરોડ રૂપિયા આપી છે. અને આ વિમાન સાથે તેના હથિયાર, સિમ્યુલેટર, ઉપકરણ, ક્રુ ની ટ્રેઈનિંગ અને લોજિસ્ટિક સપોર્ટ પણ આપશે.

રક્ષાગ્રહણ પરિષદે જુલાઈમાં આ સોદાને મંજુરી આપી હતી. 13 જુલાઈએ રક્ષા મંત્રી રાજનાથસિંહની ઉપસ્થિતીમાં રક્ષાગ્રહણ પરિષદે નૌસેના માટે 26 ફાઈટર વિમાન અને 3 સ્કોર્પિયન સબમરીનની ખરીદી લગભગ 30 હજાર કરોડ રૂપિયામાં થવાની છે. રક્ષા અધિગ્રહણ પરિષદ દ્વારા આ મંજૂરી પેરિસમાં પીએમ મોદી અને ફ્રાંન્સના રાષ્ટ્રપતિ ઈમૈનુએલ મૈક્રાન વચ્ચે પેરિસ સમિટના એક દિવસ પહેલા આપી હતી. પરંતુ સમિટમાં આ સોદા વિશે ઉલ્લેખ નથી કર્યો. કેબિનેટની મંજુરી પછી જ ફાઈનલ થશે સોદો.