- બજારના તમામ સૂચકાંકોમાં ઘટાડો જોવા મળ્યો
- સેન્સેક્સ 398 પોઈન્ટ્સના ઘટાડા સાથે 81,523 બંધ
મુંબઈઃ ભારતીય શેરબજાર બુધવારે લાલ નિશાનમાં બંધ થયું હતું. બજારના તમામ સૂચકાંકોમાં ઘટાડો જોવા મળ્યો હતો. ટ્રેડિંગના અંતે સેન્સેક્સ 398 પોઈન્ટ્સ અથવા 0.49 ટકાના ઘટાડા સાથે 81,523 પર અને નિફ્ટી 122 પોઈન્ટ્સ અથવા 0.49 ટકાના ઘટાડા સાથે 24,918 પર બંધ રહ્યો હતો.
ઘટાડાની સૌથી વધુ અસર બેન્કિંગ શેર્સમાં જોવા મળી હતી. નિફ્ટી બેંક 262 પોઈન્ટ અથવા 0.51 ટકાના ઘટાડા સાથે 51,010 પર હતો. લાર્જકેપની સરખામણીમાં મિડકેપ અને સ્મોલકેપમાં ઓછી વેચવાલી જોવા મળી હતી.
નિફ્ટી મિડકેપ 100 ઇન્ડેક્સ 101 પોઇન્ટ અથવા 0.17 ટકા ઘટીને 58,938 પર અને નિફ્ટી સ્મોલકેપ 100 ઇન્ડેક્સ 155 પોઇન્ટ અથવા 0.81 ટકા ઘટીને 19,161 પર હતો. ઓટો, આઈટી, પીએસયુ બેંક, ફિન સર્વિસ, મેટલ, રિયલ્ટી અને એનર્જી ઈન્ડેક્સ નેશનલ સ્ટોક એક્સચેન્જ (એનએસઈ) પર દબાણ હેઠળ બંધ થયા હતા. માત્ર એફએમસીજી અને વપરાશ સૂચકાંકો લીલામાં હતા.
સેન્સેક્સ પેકમાં ટાટા મોટર્સ, SBI, વિપ્રો, NTPC, L&T, M&M, JSW સ્ટીલ, ઇન્ડસઇન્ડ બેન્ક, ટાટા સ્ટીલ અને રિલાયન્સ ટોપ લૂઝર હતા. એશિયન પેઈન્ટ્સ, બજાજ ફાઈનાન્સ, સન ફાર્મા, એચયુએલ, બજાજ ફિનસર્વ, આઈટીસી, ભારતી એરટેલ અને કોટક મહિન્દ્રા ટોપ ગેનર હતા.