ભારતીય શેર બજારમાં કડાકો, BSE માં 984 પોઈન્ટનો ઘટાડો
મુંબઈઃ બુધવારના ટ્રેડિંગ સેશનમાં ભારતીય શેરબજારમાં ચારે બાજુ ઘટાડો જોવા મળી રહ્યો છે. બજારના લગભગ તમામ ઈન્ડેક્સ લાલ નિશાનમાં ટ્રેડ થઈ રહ્યા છે. બપોરે 1 વાગ્યા સુધીમાં સેન્સેક્સ 697 પોઈન્ટ અથવા 0.76 ટકા ઘટીને 77,977 પર અને નિફ્ટી 219 પોઈન્ટ અથવા 0.90 ટકા ઘટીને 23,668 પર હતો.
બજારનો ટ્રેન્ડ પણ નેગેટિવ રહ્યો છે. નેશનલ સ્ટોક એક્સચેન્જ (NSE) પર 289 શેર લીલા અને 2,163 શેર લાલ રંગમાં હતા. ઘટાડાની સૌથી વધુ અસર નાના અને મધ્યમ શેરો પર જોવા મળી રહી છે. નિફ્ટી મિડકેપ 100 ઇન્ડેક્સ 1,158 પોઇન્ટ અથવા 2.10 ટકાના ઘટાડા સાથે 54,099 પર હતો અને નિફ્ટી સ્મોલકેપ 100 ઇન્ડેક્સ 426 પોઇન્ટ અથવા 2.37 ટકા ઘટીને 17,566 પર હતો. ઈન્ડિયા વિક્સ, બજારની વધઘટ દર્શાવતો ઈન્ડેક્સ 4.73 ટકા વધીને 15.28 પર હતો.
NSE પર લગભગ તમામ ક્ષેત્રીય સૂચકાંકો લાલ નિશાનમાં હતા. સૌથી વધુ ઘટાડો ઓટો, આઈટી, પીએસયુ બેન્ક, મેટલ, રિયાલિટી, ઈન્ફ્રા અને પીએસઈમાં જોવા મળ્યો હતો. સેન્સેક્સના 30માંથી 27 શેર લાલ નિશાનમાં હતા. ટાટા સ્ટીલ, એમએન્ડએમ, જેએસડબલ્યુ સ્ટીલ, ટીસીએસ, નેસ્લે, રિલાયન્સ ઇન્ડસ્ટ્રીઝ, સન ફાર્મા અને બજાજ ફિનસર્વ ટોપ લુઝર હતા. માત્ર એનટીપીસી, ટાટા મોટર્સ અને ટાઇટન જ લીલા નિશાનમાં ટ્રેડ થઈ રહ્યા હતા.
ચોઈસ બ્રોકિંગના મતે નિફ્ટીમાં ડાઉનવર્ડ ટ્રેન્ડ ચાલુ છે અને તેના કારણે સેન્ટિમેન્ટ પણ નેગેટિવ રહે છે. વર્તમાન સ્તરો પર નજર કરીએ તો, નિફ્ટીમાં 23,650 ખૂબ જ મહત્વપૂર્ણ સપોર્ટ બની રહ્યો છે અને જો તે તૂટશે તો 23,400નું સ્તર પણ જોવા મળી શકે છે. 24,200 ઉપલા સ્તરો પર એક મુખ્ય પ્રતિકાર સ્તર છે. વધુમાં જણાવ્યું હતું કે બેન્ક નિફ્ટીમાં 50,500 અને 50,000નું સ્તર મહત્ત્વપૂર્ણ સપોર્ટ છે. જો તે 52,400ની ઉપર જાય તો તે 52,800 અને 53,000ના સ્તરે જઈ શકે છે.
