ભારતની એક દાયકામાં સંરક્ષણ નિકાસ 18 ગણી વધીને 21,000 કરોડ રૂપિયા થઈ ગઈઃ રાષ્ટ્રપતિજી
નવી દિલ્હીઃ દેશમાં 18મી લોકસભાનું ગઠન થયું છે અને નવા સત્રમાં આજે રાષ્ટ્રપતિ દ્વૌપદી મુર્મુએ સંસદના બંને ગૃહોને સંબોધન કરીને નવનિર્વાચિત સાંસદોને અભિનંદન પાઠવ્યા હતા. તેમજ અમૃતકાળમાં બનેલી 18મી લોકસભા ઐતિહાસિક હોવાનું પણ જણાવ્યું હતું. તેમજ રાષ્ટ્રપતિ દ્વૌપદી મુર્મુએ તેમના સંબોધનમાં પેપર લીક, નવી ન્યાય સંહિતા , CAA , ઓલિમ્પિક જેવા ઘણા મુદ્દા આવરી લીધા હતા તેમજ હરિત યુગનો ઉલ્લેખ કરીને આગામી સરકારનો રોડમેપ પણ રજૂ કર્યો હતો.
રાષ્ટ્રપતિ દ્રૌપદી મુર્મુએ કહ્યું કે મજબૂત ભારત માટે આપણા દળોમાં આધુનિકતા જરૂરી છે. યુદ્ધની પરિસ્થિતિમાં શ્રેષ્ઠ બનવા માટે, દળોમાં સુધારાની પ્રક્રિયા સતત ચાલુ રાખવી જોઈએ. આ વિચારને ધ્યાનમાં રાખીને, મારી સરકારે છેલ્લા 10 વર્ષમાં ઘણા મહત્વપૂર્ણ પગલાં લીધા છે… છેલ્લા એક દાયકામાં, આપણી સંરક્ષણ નિકાસ 18 ગણી વધીને 21,000 કરોડ રૂપિયા થઈ ગઈ છે. રાષ્ટ્રપતિ દ્રૌપદી મુર્મુએ સંસદના બંને ગૃહોના સંયુક્ત સત્રને સંબોધિત કર્યું. તેમણે કહ્યું કે મારી સરકાર વધુ એક નિર્ણય લેવા જઈ રહી છે. આયુષ્માન ભારત યોજના હેઠળ 70 વર્ષથી વધુ ઉંમરના તમામ વૃદ્ધોને મફત સારવારનો લાભ મળશે.
પોતાના સંબોધનમાં રાષ્ટ્રપતિએ ઈમરજન્સી પર આકરા પ્રહારો કર્યા હતા. તેમણે કહ્યું કે આવનારા થોડા મહિનામાં ભારત પ્રજાસત્તાક તરીકે 75 વર્ષ પૂર્ણ કરવા જઈ રહ્યું છે. ભારતીય બંધારણ છેલ્લા દાયકાઓમાં દરેક પડકારો અને કસોટી સામે ટકી રહ્યું છે. દેશમાં બંધારણ લાગુ થયા બાદ પણ બંધારણ પર અનેક હુમલા થયા છે. 25 જૂન 1975ના રોજ લાદવામાં આવેલી કટોકટી એ બંધારણ પર સીધો હુમલો હતો. જ્યારે તે લાદવામાં આવ્યો ત્યારે સમગ્ર દેશમાં હોબાળો થયો હતો, પરંતુ દેશે આવા બંધારણીય દળોને માત આપી છે. મારી સરકાર પણ ભારતીય બંધારણને માત્ર શાસનનું માધ્યમ ન બનાવી શકે. અમે અમારા બંધારણને જનચેતનાનો એક ભાગ બનાવવાનો પ્રયાસ કરી રહ્યા છીએ. આ સાથે મારી સરકારે 26 નવેમ્બરને બંધારણ દિવસ તરીકે ઉજવવાનું શરૂ કર્યું છે. આપણા જમ્મુ અને કાશ્મીરમાં બંધારણનો સંપૂર્ણ અમલ કરવામાં આવ્યો છે, જ્યાં કલમ 370ને કારણે પરિસ્થિતિ અલગ હતી.
