ભારતના ‘એક પેડ મા કે નામ’ અભિયાનને કોલંબિયામાં વૃક્ષારોપણ અભિયાનની સાથે વૈશ્વિક વેગ મળ્યો
યુએન કન્વેન્શન ઓન જૈવિક વિવિધતા (UNCBD) માટે પક્ષકારોની પરિષદ (COP 16)ની 16મી બેઠકના અવસર પર કેન્દ્રીય પર્યાવરણ, વન અને જળવાયુ પરિવર્તન રાજ્ય મંત્રી, કીર્તિ વર્ધન સિંહે કોલંબિયાના કેલીની વેલે યુનિવર્સિટીમાં ‘એક પેડ મા કે નામ (#પ્લાન્ટ4મધર)’ અભિયાન અંતર્ગત વૃક્ષારોપણ અભિયાનનું નેતૃત્વ કર્યું. વૃક્ષારોપણ અભિયાનમાં કોલંબિયામાં ભારતના રાજદૂત વનલાલહુમા, વેલે યુનિવર્સિટીના વાઇસ રેક્ટર સુશ્રી મોનિકા ગાર્સિયા સોલાર્ટે અને વેલે વિશ્વવિદ્યાલયના રેક્ટર ગિલર્મો મુરિલો વર્ગાસની સાથે-સાથે સભ્યો અને વિદ્યાર્થીઓની ભાગ લીધો. પર્યાવરણ, વન અને જળવાયુ પરિવર્તન મંત્રાલયના વિશેષ સચિવ તન્મય કુમારના માતાના નામ પર યુનિવર્સિટીમાં એક છોડ પણ લગાડવામાં આવ્યો.
વૃક્ષારોપણ અભિયાન દરમિયાન વેલે વિશ્વવિદ્યાલયના રેક્ટર, વાઈસ રેક્ટર અને ઈન્ટરનેશનલ કોઓપરેશનના ડાયરેક્ટરે પણ તેમની માતાના નામ પર વૃક્ષારોપણ કર્યું હતું. આ પ્રસંગે કીર્તિ વર્ધન સિંહે યુનિવર્સિટીના અધ્યાપકો અને વિદ્યાર્થીઓ સાથે વાર્તાલાપ કર્યો અને તેમને તેમના રોજિંદા જીવનમાં ટકાઉ વ્યવહાર અપનાવવા પ્રોત્સાહિત કર્યા અને પર્યાવરણ સંરક્ષણમાં યુવાનોને સામેલ કરવા પર ભાર મૂક્યો. 30થી વધુ વિદ્યાર્થીઓ અને ફેકલ્ટી સભ્યોએ ઉત્સાહપૂર્વક વૃક્ષારોપણ અભિયાનમાં ભાગ લીધો હતો.
આ વર્ષે શબ્દ પર્યાવરણ દિવસ પર ભારતના પ્રધાનમંત્રી નરેન્દ્ર મોદી દ્વારા ‘એક પેડ મા કે નામ (#પ્લાન્ટ4મધર)’ અભિયાન શરૂ કરવામાં આવ્યું હતું. આ એક અનોખી પહેલ છે જે પર્યાવરણીય જવાબદારીને માતાઓ પ્રત્યે હૃદયપૂર્વકની શ્રદ્ધાંજલિ સાથે જોડે છે. આ અભિયાનનું ઉદ્ઘાટન પ્રધાનમંત્રી દ્વારા પીપળના વૃક્ષારોપણ સાથે કરવામાં આવ્યું હતું. આ ઝુંબેશની શરૂઆત દરમિયાન, મોદીએ વિશ્વભરના નાગરિકોની ભાગીદારી અને પર્યાવરણને સુધારવા માટેના સામૂહિક પ્રયાસોના મહત્વ પર ભાર મૂક્યો હતો અને છેલ્લા એક દાયકામાં વન આવરણ વધારવામાં ભારતની પ્રગતિની વાત કરી હતી. આ અભિયાન સતત વિકાસ માટેની રાષ્ટ્રની શોધ સાથે સંરેખિત છે.
