નવી દિલ્હીઃ ઉપરાષ્ટ્રપતિ એમ. વેંકૈયા નાયડુએ ભારતીય સંસ્કૃતિ અને વારસા પર ભાર મુકીને બાળકોને મૂલ્ય આધારિત શિક્ષણ આપવાનું આહ્વાન કર્યું હતું. તેમણે જણાવ્યું હતું કે ‘શિક્ષણનો અર્થ સશક્તિકરણ, જ્ઞાન અને રોજગાર માટે છે, માત્ર ડિગ્રી અને પ્રમાણપત્રો પ્રાપ્ત કરવા માટે નહીં.’ શિક્ષણના વ્યાપારીકરણની નિંદા કરતા તેમણે કહ્યું હતુ કે, જૂના જમાનામાં શિક્ષણ અને દવાને મિશન તરીકે ગણવામાં આવતા હતા. શિક્ષણે સામાજિક રીતે સભાન અને જવાબદાર નાગરિકો પેદા કરવા જોઈએ જે સમાજ અને દેશના મોટા ભલા માટે નિઃસ્વાર્થપણે પ્રયત્ન કરે. “જો તમે તમારી જાતને પ્રેમ કરશો તો કોઈ યાદ કરશે નહીં, પરંતુ જો તમે બીજા માટે જીવશો તો તમે અમર બની જશો અને બીજાની યાદમાં લાંબું જીવશો.
ઉપરાષ્ટ્રપતિ એમ. વેંકૈયા નાયડુ ગુંટુરની શ્રી પાટીબંદલા સીતારમૈયા હાઈસ્કૂલના હીરક જયંતી ઉજવણીમાં ભાગ લીધો હતો. વિદ્યાર્થીઓ, શિક્ષકો અને વાલીઓને સંબોધતા ઉપરાષ્ટ્રપતિએ સર્વગ્રાહી શિક્ષણના મહત્વ પર ભાર મૂક્યો હતો. શારીરિક તંદુરસ્તી અને બાગકામ જેવી પ્રવૃત્તિઓ પર સમાન ધ્યાન આપવું જોઈએ. તેમણે માતૃભાષામાં શિક્ષણ આપવાને પ્રાથમિકતા આપવાની જરૂરિયાતનો પુનરોચ્ચાર કર્યો હતો. અન્ય ભાષાઓ શીખતી વખતે માતૃભાષામાં નિપુણ હોવું મહત્વપૂર્ણ છે. સમાજમાં ઘટી રહેલા મૂલ્યો અંગે તેમની ચિંતા વ્યક્ત કરતાં ઉપરાષ્ટ્રપતિ નાયડુએ લોકોને 4C – ચારિત્ર્ય, ક્ષમતા, આચરણ (સારા) અને ક્ષમતાવાળા જનપ્રતિનિધિઓને ચૂંટવા અને સમર્થન આપવા અપીલ કરી હતી. તેમણે જનપ્રતિનિધિઓ માટે શિસ્ત અને લોકોના કલ્યાણ માટે પ્રતિબદ્ધતા રાખવાની જરૂરિયાત પર પણ ભાર મૂક્યો હતો. ઉપરાષ્ટ્રપતિએ ઉમેર્યું કે, તેઓ ભારતને એક મજબૂત અને શક્તિશાળી રાષ્ટ્ર તરીકે જોવાની ઈચ્છા ધરાવે છે, જ્યાં કોઈ ભૂખ નથી, કોઈ નિરક્ષરતા નથી અને કોઈ ભેદભાવ નથી. ઉપરાષ્ટ્રપતિએ ગુંટુરમાં અન્નમય પુસ્તકાલયની મુલાકાત લીધી.
(Photo-File)
