નવી દિલ્હીઃ અમેરિકામાં વર્ષના અંતિમ મહિનામાં યોજાનારી રાષ્ટ્રપતિની ચૂંટણીની રેસમાંથી ખસી ગયેલા રાષ્ટ્રપતિ જો બાઈડન રાષ્ટ્રને આપેલા સંબોધનમાં ભાવુક દેખાયા હતા. તેમણે કહ્યું કે, અમેરિકાનો વિચાર ‘તમારા હાથમાં છે’. તેમની ઝુંબેશ સમાપ્ત કરતાં, બાઈડેને ઓવલ ઓફિસના સંબોધનમાં કહ્યું કે, નવી પેઢીને મશાલ સોંપવાનો સમય આવી ગયો છે. બાઈડને તેમના ‘ફેરવેલ સમય’ સંબોધનમાં ઉપરાષ્ટ્રપતિ કમલા હેરિસની પ્રશંસા કરી.
તેમણે બુધવારે ઓવલ ઓફિસના સંબોધનમાં અમેરિકન જનતાને કહ્યું, “મેં ફરીથી ચૂંટણી લડવાનો મારો વિચાર છોડી દીધો છે.” કારણ કે હવે “નવા અવાજો, તાજા અવાજો, ખાસ કરીને યુવા અવાજોને તક આપવાનો સમય આવી ગયો છે.” ધ ન્યૂ યોર્ક ટાઈમ્સના જણાવ્યા અનુસાર, તેમનો સ્વર (ભાષણ) પ્રારંભિક વિદાય જેવો હતો.
ધ ન્યૂ યોર્ક ટાઈમ્સના અહેવાલ મુજબ, ઉપરાષ્ટ્રપતિ કમલા હેરિસે આજે રાત્રે હ્યુસ્ટનમાં રાષ્ટ્રપતિ બિડેનનું સંબોધન ટેલિકાસ્ટ દ્વારા જોયું અને સાંભળ્યું. તેણે હ્યુસ્ટનમાં ઇમરજન્સી ઓપરેશન સેન્ટરની મુલાકાત લીધા પછી રાત વિતાવી. ઉપરાષ્ટ્રપતિ આવતીકાલે અમેરિકન ફેડરેશન ઓફ ટીચર્સ કોન્ફરન્સને સંબોધશે.
