જમ્મુ-કાશ્મીરમાં વિતેલા વર્ષે એરપોર્ટ પર યાત્રીઓની સંખ્યામાં ઘરખમ વધારો – ડિસેમ્બરમાં સૌથી વધુ યાત્રીઓ નોઁધાયા

• વર્ષ 2021મા 8.97 લાખ યાત્રીઓનું આગમન
• માત્ર ડિસેમ્બર મહિનામાં જ 1.53 લાખ યાત્રીઓ

જમ્મુ-કાશ્મીરઃ- દેશની જન્નત ગણાતા જમ્મુ કાશ્મીરમાંથી જ્યારથી ખાસ દરજ્જો હટાવીને  કેન્દ્પ પ્રદેશ તરીકે જાહેર કરવામાં આવ્યું છે ત્યારથી અહીના પ્રવાસે આવતા યાત્રીઓની સંખઅયા વધી રહી છે. આ સાથે જ એરપોર્ટના સચાલનમાં વૃદ્ધી જોવા મળી છે.એરપોર્ટ પર સૌથી વધુ યાત્રીઓ વિતેલા વર્ષે નોંધાયા છે તો આયાત નિકાસની પણ સંખ્યા વધી છે.

હવે જમ્મુ એરપોર્ટ પ્રવાસીઓની હવે પસંદ બનતું જઈ રહ્યું છે. વર્ષ 2020ની સરખામણીમાં 2021માં 3 લાખથી વધુ મુસાફરોની અવરજવર અને 381 મેટ્રિક ટન આયાત અને નિકાસમાં વધારો નોંધાયો છે. વર્ષ 2021 માં, કુલ 9 હજાર 175 ફ્લાઇટ્સમાં 8.97 લાખથી વધુ મુસાફરોની અવરજવર નોંધાઈ હતી, જ્યારે 1107 મેટ્રિક ટન કાર્ગોની આયાત અને નિકાસ થઈ છે.

2020 માં, 5.23 લાખ મુસાફરોનું પરિવહન કરવામાં આવ્યું હતું અને 726 મેટ્રિક કાર્ગોની આયાત અને નિકાસ કરવામાં આવી હતી. જમ્મુ એરપોર્ટ પર લોડ પેનલ્ટી હટાવવા અને નાઇટ ફ્લાઇટ સેવાઓની રજૂઆત સાથે મુસાફરો અને કાર્ગોની અવરજવરમાં રેકોર્ડ વધારો જોવા મળ્યો છે.

ઓગસ્ટ  મહિના પછી દર મહિને 1 લાખથી વધુ મુસાફરો અને એક હજારથી વધુ એરક્રાફ્ટ કાર્યરત છે. વર્ષ 2021 માં, ડિસેમ્બર મહિનામાં 1.53 લાખ મુસાફરોની રેકોર્ડ અવરજવર હતી, જે નવેમ્બરમાં 1.46 લાખ સુધી પહોંચી હતી.

જેના કારણે એરપોર્ટ પર આવતા મુસાફરોની સંખ્યામાં વધારો થયો હતો. જમ્મુ એરપોર્ટ પર મુસાફરોની સુવિધામાં ઘણો સુધારો કરવામાં આવ્યો છે. રનવેના વિસ્તરણ અને નાઇટ એરલાઇન્સની રજૂઆત સાથે, એરપોર્ટ પર મુસાફરોની અવરજવરમાં નોંધપાત્ર વધારો થયો છે.