J&K: પરફ્યુમ બોમ્બ વડે હુમલાનું કાવતરું,સ્પર્શ કરતાં જ થાય છે બ્લાસ્ટ,લશ્કરના આતંકવાદીની ધરપકડ
શ્રીનગર:જમ્મુ-કાશ્મીરના નરવાલમાં 21 જાન્યુઆરીએ બે IED બ્લાસ્ટ થયા હતા.આ હુમલામાં 9 લોકો ઘાયલ થયા હતા.પોલીસે વિસ્ફોટને અંજામ આપનાર આતંકવાદીની ધરપકડ કરી લીધી છે.આ આતંકવાદી પાકિસ્તાનમાં બેઠેલા લશ્કર-એ-તૈયબાના હેન્ડલરના સંપર્કમાં હતો.એટલું જ નહીં આતંકવાદી પાસે પરફ્યુમ બોમ્બ પણ મળી આવ્યો છે.સુરક્ષા દળોના જણાવ્યા અનુસાર, આ પરફ્યુમને કોઈ સ્પર્શે કે દબાવતા જ તે વિસ્ફોટ થઈ જાય છે.ખાસ વાત એ છે કે જમ્મુ-કાશ્મીરમાં પહેલીવાર સુરક્ષા દળોએ આ પ્રકારનો પરફ્યુમ બોમ્બ ઝડપ્યો છે.
જમ્મુ-કાશ્મીરના ડીજીપી દિલબાગ સિંહે કહ્યું કે 20 જાન્યુઆરીએ બે IED બોમ્બ પ્લાન્ટ કરવામાં આવ્યા હતા. આ બ્લાસ્ટ 21 જાન્યુઆરીએ 20 મિનિટના અંતરે કરવામાં આવ્યા હતા. આ IED એક મોટા ષડયંત્ર હેઠળ લગાવવામાં આવ્યા હતા.પહેલા બ્લાસ્ટમાં 9 લોકો ઘાયલ પણ થયા હતા.આ પછી સુરક્ષા દળોએ સમગ્ર વિસ્તારને ખાલી કરાવ્યા બાદ સર્ચ ઓપરેશન હાથ ધર્યું હતું.ત્યારબાદ બીજો બ્લાસ્ટ થયો.આવી સ્થિતિમાં, આ વિસ્ફોટમાં કોઈને નુકસાન થયું નથી. જ્યારે બીજો બ્લાસ્ટ ખૂબ જ ઝડપી હતો.
દિલબાગ સિંહે જણાવ્યું કે આ મામલામાં આતંકી આરિફની ધરપકડ કરવામાં આવી છે. તે રિયાસીનો રહેવાસી છે.આરીફ સરકારી શિક્ષક છે.તે છેલ્લા 3 વર્ષથી સરહદ પાર લશ્કર-એ-તૈયબાના હેન્ડલર્સ સાથે સંકળાયેલો હતો.આતંકી આરિફ પાસેથી પરફ્યુમ બોમ્બ મળી આવ્યો છે.પ્રથમ વખત આ પ્રકારનું પરફ્યુમ IED મળી આવ્યું છે.તેણે કહ્યું કે પરફ્યુમ બોમ્બમાં આઈઈડી છે, જો કોઈ તેને સ્પર્શ કરે છે, તેને ખોલે છે અથવા તેને દબાવવાનો પ્રયાસ કરે છે, તો તે વિસ્ફોટ થાય છે.
