મુંબઈઃ યશ સ્ટારર ફિલ્મ ‘KGF ચેપ્ટર 2’ એ સિનેમાઘરોમાં રિલીઝ થતાની સાથે જ ઘણી ફિલ્મોના રેકોર્ડ તોડી નાખ્યા છે. ડાયરેક્ટર પ્રશાંત નીલ દ્વારા નિર્દેશિત આ ફિલ્મને લોકો બ્લોકબસ્ટર કહી રહ્યા છે. એટલું જ નહીં, લોકોમાં આ ફિલ્મ જોવાનો એટલો ક્રેઝ છે કે થિયેટર હાઉસફુલ થઈ રહ્યા છે. દરમિયાન, OTT પ્લેટફોર્મ પર KGF 2 ની રજૂઆત માટે ચર્ચા ચાલી રહી છે.
KGF નો પહેલો ભાગ OTT પ્લેટફોર્મ પર રિલીઝ કરવામાં આવી હતી. હવે KGF ચેપ્ટર 2 પણ આ OTT પર રિલીઝ થશે. હા, ફિલ્મ OTT રિલીઝ માટે તૈયાર છે. અહેવાલો અનુસાર, KGF 2 થિયેટરમાં રિલીઝ થયાના આઠ અઠવાડિયા પછી જ ઓનલાઈન સ્ટ્રીમ કરવામાં આવશે. જોકે, મેકર્સ દ્વારા હજુ સુધી કોઈ સત્તાવાર જાહેરાત કરવામાં આવી નથી.
OTT પ્લેટફોર્મ ઉપરાંત, ફિલ્મનું વર્લ્ડ ટેલિવિઝન પ્રીમિયર પણ હશે. કહેવામાં આવી રહ્યું છે કે આ ફિલ્મ ટીવી પર પણ રિલીઝ થશે. ફિલ્મના સેટેલાઇટ રાઇટ્સ ‘ઝી’ને વેચી દેવામાં આવ્યા છે. આ ફિલ્મનું ટીવી પ્રીમિયર ઝી તમિલ, તેલુગુ અને કેરલમ પર થશે. તેનું હિન્દી વર્ઝન સોની મેક્સ પર રિલીઝ થશે. કેજીએફ-1 ફિલ્મ લોકોને ખુબ પસંદ આવી હતી અને લાંબા સમયથી દર્શકો કેજીએફ ચેપ્ટર-2ની રાહ જોતા હતા. જેનો અંત આવ્યો છે અને 14મી એપ્રિલના રોજ સિનેમાગૃહમાં રીલીઝ થઈ છે અને મોટી સંખ્યામાં લોકો ફિલ્મ જોવાનું પસંદ કરી રહ્યાં છે.
