પાલનપુરઃ બનાસકાંઠામાં માર્ગ અકસ્માતોનું પ્રમાણ વધતું જાય છે. જેમાં કાંકરેજ-દિયાદર રોડ પર મેડકોલ ગામના પાટિયા નજીક આઈસર ટ્રક અને ખીલખિલાટવેન વચ્ચે અકસ્માત સર્જાતા વેનચાલકનું મોત
નીપજ્યું હતું. જ્યારે વાનમાં બેસેલા સગર્ભા મહિલા ગંભીર રીતે ઘાયલ થતા સ્થાનિક લોકોની મદદથી હોસ્પિટલ ખસેડવામાં આવ્યા હતા.અકસ્માતના બનાવની જાણ થતાં પોલીસ કાફલો દોડી આવ્યો હતો. અકસ્માતને લીધે રોડ પર ટ્રાફિક જામ થઈ ગયો હતો. પોલીસે અકસ્માતે મોતનો ગુનો દાખલ કરીને વધુ તપાસ હાથ ધરી હતી.
બનાસકાંઠા જિલ્લા અકસ્માતનો સિલસિલો યથાવત જોવા મળી રહ્યો છે. જેમાં વધુ એક અકસ્માત સર્જાયો હતો. કાંકરેજ દિયોદર વચ્ચે એક આઈસર ટ્રક અને ખીલખિલાટ વેન વચ્ચે અકસ્માત સર્જાયો હતો જેમાં દિયોદરના રૈયાની ખીલખિલાટ વેન એક સગર્ભા મહિલા દર્દીને થરા ખાતેથી લઈ પરત દિયોદર જઈ રહ્યા હતા તે સમય દરમિયાન કાંકરેજના મેડકોલ ગામના પાટીયા નજીક આઇસર ટ્રક અને ખિલખિલાટ વેન વચ્ચે ગમખ્વાર અકસ્માત સર્જાયો હતો. અકસ્માતમાં ખિલખિલાટ વેનના ચાલકનું મોત નીપજ્યું હતુ અને વેનમાં સવાર સગર્ભા મહિલા ગંભીર રીતે ઈજાગ્રસ્ત થયા હતા બનાવવાની જાણ થરા પોલીસને થતા થરા PSI સહિત પોલીસ સ્ટાફ તાત્કાલિક ઘટના સ્થળ પર દોડી આવ્યો હતો. અને ઈજાગ્રસ્ત મહિલાને થરા રેફરલ હોસ્પિટલ ખાતે ખસેડવામાં આવી હતી. મહિલાની હાલત અતિ ગંભીર થતાં થરા રેફરલ હોસ્પિટલમાંથી પાટણ હોસ્પિટલમાં ખસેડવામાં આવી હતી. પોલીસે અકસ્માક મોતનો ગુનો નોંધીને વધુ તપાસ હાથ ધરી છે. આ બનાવને લીધે રોડ પર ટ્રાફિક જામ થયો હતો.
