કિચન ટિપ્સઃ- શું તમને દૂધી નથી ભાવતી, તો હવે આ રીતે બનાવો દૂધીના કોફ્તાનું ટેસ્ટિ મસાલેદાર શાક
- દૂધીના કોફ્તાનું શાક ટેસ્ટી બને છે
- દૂધી ન ભાવતી હોય તો કોફ્તા બનાવી તેનું શાક બનાવો
ઘણા લોકોને દુધીનું શાક ભાવતું નથી પરંતુ દૂઘીનો હલવો કે પછી તેમાંથી બનાવેલી વાનગીઓ ભાવે છે, તો આજે દૂધીનું શાક બનાવાની એક એકગ રીત જોઈશું જે તમને ચોક્કસ ભાવશે જ
કોફ્તા બનાવા માટેની સામગ્રી
- 1 નંગ -દૂઘી ( છોલીને તેને છીણી લેવી અને બન્ને હાથ વચ્ચે દબાવીને તેનું પાણી કાઢી લેવી)
- 2 નંગ બટાકા – બાફીને નિતારીને ક્રશ કરેલા
- સ્વાદ પ્રમાણે – મીઠું
- જરુર પ્રમાણે – હળદર
- 3 ચમચી આદુ,મરચા, લસણની પેસ્ટ
- 2 ચચટી – અજમો
- 1 કપ – બેસન
- તળવા માટે – તેલ
હવે સૌ પ્રથમ દૂધીની છીણમાં બટાકા ક્રશ કરેલા ઉમેરી દો, ત્યાર બાદ તેમાં અજમો, આદુ,મરચા અને લસણની પેસ્ટ એડ કરો, તેમાં બેસન એડ કરો હવે તેમાં સ્વાદ પ્રમાણે મીઠું અને હળદર એડ કરીને બરાબર મિક્સ કરીલો, ગોળ કોફ્તા બને તે રીતે તેનું મિશ્રણ બનવું જોઈએ જો જરા નરમ હોય તો વધુ બેસન જરુર પ્રમાણે એડ કરવું
હવે આ મિશ્રણમાંથી એક લરખા નાના નાના બોલ બનાવીને ભજીયાની જેમ બ્રાઉન થાય ત્યા સુધી તેને તળીલો,
સામગ્રી કોફ્તાનું શાક બનાવા માટે
- 4 ચમચી – તેલ
- 1 ચમચી – જીરું
- 2 નંગ – ડુંગળીની પેસ્ટ
- 1 નંગ – ટામેટાની પેસ્ટ
- 1 ચમચી – મલાઈ
- 8 થી 10 નંગ -કાજુંની પેસ્ટ
- 1 કપ દૂધ
- 2 ચમચી – આદુ લસમની પેસ્ટ
- 3 ચમચી – કાશ્મીરી લાલ મરચું
- જરુર પ્રમાણે – ગરમ મસાલો
- જરુર પ્રમાણે – હળદર
- સ્વાદ પ્રમાણે – મીઠું
હવે સૌ પ્રથમ એક કઢાઈમાં તેલ લો, તેમાં જીરું લાલ કરો, ત્યાર બાદ તેમાં આદુ-લસણની પેસ્ટ એડ કરીને સાંતળી લો,
હવે તેમાં ડુંગળીની પેસ્ટ એડ કરીને તે બ્રાઉન થાય ત્યા સુધી સાંતળો પછી ટામેટાની પેસ્ટ અને કાજુની પેસ્ટ એડ કરીલો
હવે આ પેસ્ટમાં લાલ મરચું. હળદર, મીઠું, ગરમ મસાલો અને કોફ્તા એડ કરીને તવીથા વડે બરાબર મિક્સ કરીલો
હવે તેમાં 1 કપ દૂધ અને એક ચમચી મલાઈ એડ કરીને ગેસની ફ્લેમ ઘીમી રાખી ગેસ પર6 થી 8 મિનિટ સુધી થવાદો
આટલી મિનિટ બાદગેસ બંધ કરી ઉપરથી લીલા ધાણા એડ કરીને પરાઠા અથવા રોટલી સાથે કોફ્તાનું શાક ટેસ્ટ કરો, સ્વાદમાં મજેદાર અને દુઘી ન ભાવતી હશે તો પણ ભાવતી થઈ જશે
