સાહીન મુલતાની.
- સામગ્રી
- ૧ લીટર – દૂધ
- ૪ ચમચી – કસ્ટર પાવડર
- ૧ કપ – ખાંડ
- ૧ નંગ – સફરજન
- ૨ નંગ – કેળા
- ૪ નંગ – ચીકુ
- ૪ ચમચી – દાડમના દાણા
- 4 ચમચી – કાજુ કતરેલા
- 4 ચમચી – બદામ કતરેલી
- ૪ ચમચી – ક્રિશ્મીસ
- ૧ કપ – મલાઈ
સૌ પ્રથમ એક તપેલીમાં દૂધ લો , આ તપેલીમાં લીધેલા દુધમાં કસ્ટર પાવડર અને ખાંડ ઉમેરીને બરાબર મિક્સ કરીલો . હવે આ તપેલીને ગેસ પર રાખીને ધીમી ફ્લેમ પર કસ્ટર વાળા દૂધને ઉકળતા રહો , ઉકળતી વખતે ખાસ ધ્યાન રાખવું કે કસ્ટરના ગાંઠા ન પડે,આમ જ રીતે દસ મિનિટ સુધી કસ્ટર અને દૂધ ઉકાળવાથી ઘાટ્ટુ રબડી જેવું તૈયાર થશે ,
હવે આ કસ્ટર મિલ્કને ફ્રીઝમાં ઠંડુ કરવા રાખી દો,બરાબર ઠંડુ થયા બાદ તેમાં બ્લેન્ડર ફેરવીને બરાબર મિક્સ કરીલો , હવે સફરજન,કેળાં અને ચીકુની છાલ કાઢીને તેને જીણું જીણું સમારી લો,ફ્રૂટ્સ એટલું જીણું સમારવું કે કસ્ટર મિલ્કમાં બરાબર ભળી જાય , હવે સમારેલું બધું ફ્રૂટ્સ કસ્ટર મિલ્કમાં નાખીને ચમચા વડે મિક્સ કરીલો .
હવે આ ફ્રૂટ સલાડમાં કાજુ , બદામ અને દાડમના દાણા ઉમેરીદો, ત્યાર બાદ ફરી આ ફ્રુટસલાડને ફ્રીજમાં ઠંડુ કરીલો , હવે જયારે ફ્રૂડસલાડ પીવાના હોવ ત્યારે એક ગ્લાસમાં ફ્રુટસલાડ કાઢી તેના ઉપર મલાઈ એડ કરો , તૈયાર છે તમારું હોમ મેડ ફ્રૂટ સલાડ , ફ્રૂટથી ભરપૂર જે ગરમીમાં આપશે રાહત .
