IPLમાં કોલકાતા નાઈટ રાઈડર્સ અને રાજસ્થાન રોયલ્સ વચ્ચેની છેલ્લી લીગ મેચ વરસાદને કારણે રદ થઈ હતી. ગુવાહાટીમાં રવિવાર સાંજથી જ વરસાદ પડી રહ્યો હતો. ટૉસમાં સાડા ત્રણ કલાકનો વિલંબ થયો હતો, પરંતુ વરસાદે ચાહકોની આશા પર પાણી ફેરવ્યું હતું. આવી સ્થિતિમાં બંને ટીમને એક-એક પોઈન્ટ મળ્યા છે. આ પોઈન્ટ સાથે કોલકાતા પહેલા અને રાજસ્થાન ત્રીજા સ્થાને છે.
પહેલી ક્વાલિફાયરમાં કોલકાતા અને હૈદરાબાદ વચ્ચે 21 મેના રોજ અમદાવાદમાં ટક્કર થશે. આ જ મેદાન પર 22 મેના રોજ રાજસ્થાન અને બેંગલુરુ વચ્ચે એલિમિનેટર મેચ રમાશે.