શિમલાઃ- દેશભરમાં ચોમાસુ વર્તાઈ રહ્યું છે ત્યારે પહાડી રાજ્યોમાં વરસાદ આફત બનીને વરસી રહ્યો છએ ખાસ કરીને જો વાત કરીએ હિમાચલ પ્રદેશની તો અહી લેન્ડ સ્લાઈડની ઘટનાના કારણે 20થી વઘુ લોકોના મોતના એહવાલ સામે આવ્યા છે.
પ્રાપ્ત માહિતી અનુસાર હિમાચલ પ્રદેશમાં ઓરેન્જ એલર્ટ વચ્ચે, ભારે વરસાદને કારણે વિનાશ વર્તાઈ રહ્યો છે. રાજ્યમાં વિવિધ સ્થળોએ વાદળ ફાટવા અને ભૂસ્ખલનને કારણે 20થી વધુ લોકોના મોત થયા છે. જ્યારે ઘણા લોકોની કોઈ ભાળ મળી રહી નથી તેઓની શઓઘખોળ કરવામાં આવી રહી છે. સ્ટેટ ઇમરજન્સી ઓપરેશન સેન્ટરના જણાવ્યા અનુસાર, આપત્તિના કારણે રાજ્યમાં 752 માર્ગો અવરોઘિત બન્યા છે
જો શિમલાના ફાગલીની વાત કરીએ તો અહી પણ લેન્ડ સ્લાઈડની ઘટના સામે આવી છે જેમાં 4 મૃતદેહ કાઢવામાં આવ્યા, 6 ઘાયલોને આઈજીએમસી હોસ્પિટલમાં મોકલવામાં આવ્યા, હજુ પણ ઘણા લોકો ફસાયા હોવાની શંકા છે અને મૃત્યુ આંક આગળ વઘી પણ શકે છે.
રાજ્યની સ્થિતિ પર મુખ્યમંત્રી ખાસ નજર રાખઈ રહ્યા છે ત્યારે મુખ્યમંત્રી સુખવિંદર સિંહ સુખુએ કહ્યું છે કે એસડીઆરએફ, એનડીઆરએફ અને સેના બચાવ કામગીરી કરી રહી છે અને જીવ બચાવવા માટે સ્થળ પર હાજર છે આ સાથે જ તેમણે મંડીમાં નિર્ધારિત કાર્યક્રમ પણ રદ કર્યો છે. 15 ઓગસ્ટ સ્વતંત્રતા દિવસનો કાર્યક્રમ રાબેતા મુજબ ચાલશે પરંતુ અમારી પ્રાથમિકતા જીવ બચાવી લોકોને સુરક્ષિત બહાર કાઢવાની છે.
મુખ્યમંત્રીએ આપેલી જાણકારી પ્રમાણે શિમલાની ઘટનામાં આ કાટમાળમાં 20-25 લોકો ફસાયેલા છે. રાજ્યમાં છેલ્લા 24 કલાકમાં 21 લોકોના મોત થયા છે.તેમણે લોકોને અપીલ કરી કે તેઓ ઘરની અંદર જ રહે, નદીઓ અને ભૂસ્ખલનની સંભાવનાવાળા વિસ્તારો પાસે જવાનું ટાળવાની સલાહ આપવામાં આવી છે.
