સોશિયલ મીડિયા પ્લેટફોર્મ X માં હાલના સમયમાં ઘણા બદલાવ થયા છે. આવામાં X ફરી એકવાર એલન મસ્ક હેઠળ આવતા, મોટા બજલાવ થવા જઈ રહ્યા છે. જલ્દી જ યૂઝર્સ જે પોસ્ટ પર લાઈક કરશે તેની જાણકારી બીજા કોઈ યુઝર્સનેનહીં ખબર પડે.એક્સ પર એન્જીનિયરિંગ નામ દ્વારા જારી કરાયેલ પોસ્ટમાં કહેવામાં આવ્યું છે કે યુઝર્સની સારી પ્રાઈવેસી માટે લાઈક્સ બધા માટે પ્રાઈવેટ કરવામાં આવી રહી છે, આવું આ અઠવાડિયાથી થઈ શકે છે.
• X પર મળશે મોટું અપડેટ
એલન મસ્કની એન્જિનિયરિંગ ટીમે જાણકારી આપતા કહ્યુ આ અપડેટ પછી યુઝર્સ તેમની લાઈક્સ જોઈ શકશે, પણ બીજા યુઝર્સ લાઈક્સ જોઈ શકશે નહીં. આ રીતે યુઝર્સની પ્રાઈવેસી વધારે સારી રહેશે. તે જ સમયે, કોઈપણ હજુ પણ જોઈ શકે છે કે કોણે કઈ પોસ્ટને લાઈક કરી છે. નવા અપડેટ મુજબ, યુઝર્સ હવે જોઈ શકશે નહીં કે કોણે કોઈની પોસ્ટને લાઈક કરી છે.
• પોસ્ટ લાઈક થશે પ્રાઈવેટ
આ અપડેટ વિશે માહિતી આપતા એલન મસ્કે લખ્યું છે કે હવે કોઈપણ ડર વગર કોઈની પણ પોસ્ટ લાઈક કરી શકે છે. પોસ્ટને લાઈક કર્યા પછી કોઈ યુઝરને તેની જાણ નહીં થાય.
રિપોર્ટ અનુસાર, પ્રાઈવેટ લાઈક ફીચર Xના પ્રીમિયમ યુઝર્સ માટે પહેલેથી જ ઉપલબ્ધ છે. એન્જિનિયરિંગ ટીમે કહ્યું કે આ ફીચરની મદદથી પોસ્ટ પર લાઈક્સ વધી શકે છે. હાલમાં, ઘણા લોકો અમુક ડર, પબ્લિક ઈમેજ બગડવાના ડર અથવા ટ્રોલિંગને કારણે પોસ્ટ પસંદ કરતા નથી. પણ ટૂંક સમયમાં જ યુઝર્સ કોઈપણ ડર વગર પોસ્ટને લાઈક કરી શકશે.