ઈન્દોરઃ આજરોજ ગુરુવારે પ્રધાનમંત્રી નરેન્દ્ર મોદી મધ્ય પ્રદેશની મુલાકાતે છે ,પ્રધાન નરેન્દ્ર મોદી ગુરુવારે મધ્યપ્રદેશના બીના પહોંચ્યા. જ્યાં તેઓ સભાને સંબોધિત કરી છે. તેમણે અહીં બીના રિફાઈનરીમાં ‘પેટ્રોકેમિકલ કોમ્પ્લેક્સ’ અને રાજ્યભરમાં દસ નવા ઔદ્યોગિક પ્રોજેક્ટ સહિત રૂ. 50,700 કરોડથી વધુના પ્રોજેક્ટનો શિલાન્યાસ કર્યો હતો.
પીએમ મોદીએ કહ્યું કે મધ્યપ્રદેશમાં રૂ. 50,000 કરોડના પ્રોજેક્ટ શરૂ કરવામાં આવી રહ્યા છે; આનાથી રાજ્યના વિકાસને વેગ મળશે. કોઈપણ દેશ કે કોઈપણ રાજ્યના વિકાસ માટે જરૂરી છે કે શાસન સંપૂર્ણ પારદર્શિતા સાથે ચલાવવામાં આવે અને ભ્રષ્ટાચારને નિયંત્રણમાં રાખવામાં આવે. આઝાદી પછી લાંબા સમય સુધી મધ્યપ્રદેશ પર શાસન કરનારાઓએ ભ્રષ્ટાચાર અને ગુના સિવાય રાજ્યને કંઈ આપ્યું નથી. તે સમય હતો જ્યારે અહીં ગુનેગારો સત્તામાં હતા અને લોકોને કાયદો અને વ્યવસ્થામાં વિશ્વાસ નહોતો.
મધ્યપ્રદેશમાં બીના રિફાઈનરીમાં પેટ્રોકેમિકલ્સ કોમ્પ્લેક્સ અને 10 ઔદ્યોગિક પ્રોજેક્ટનો શિલાન્યાસ કરીને રેલીને સંબોધિત કરતા પીએમ મોદીએ વિપક્ષી ગઠબંધન ભારત પર નિશાન સાધ્યું હતું.
નિશાન સાઘતા પીએમ મોદીએ કહ્યું કે સનાતનને ભૂંસી નાખીને તેઓ દેશને ફરી ગુલામીમાં ધકેલવા માંગે છે. તેમના નેતા નક્કી નથી, નેતૃત્વ અંગે મૂંઝવણમાં જોવા મળે છે. પરંતુ આ અહંકારી ગઠબંધન કેવી રીતે ચાલશે તેની નીતિ અને વ્યૂહરચના તેમણે તેમની મુંબઈની બેઠકમાં બનાવી છે. તેણે પોતાનો એક છુપો એજન્ડા પણ નક્કી કર્યો છે.
વઘુમાં પોતાના સંબોઘનમાં તેમણે કહ્યું કે એક તરફ આજનો ભારત દુનિયાને જોડવાની ક્ષમતા બતાવી રહ્યો છે. આપણું ભારત વિશ્વ મંચ પર વિશ્વ મિત્ર તરીકે ઉભરી રહ્યું છે. બીજી તરફ કેટલાક પક્ષો એવા છે જે દેશ અને સમાજને વિભાજીત કરવાનો પ્રયાસ કરી રહ્યા છે.
આગળ તેમણે ગઠબંઘનને લઈને કહ્યું કે તેએ સાથે મળીને ઈન્ડી (I.N.D.I.A.) જોડાણ બનાવ્યું છે. કેટલાક લોકો આ ઈન્ડી એલાયન્સને ઘમંડી જોડાણ પણ કહે છે. તેમના નેતા નક્કી નથી. તેમના નેતૃત્વને લઈને મૂંઝવણ છે. આ બેઠક મુંબઈમાં યોજાઈ હતી. મને લાગે છે કે તે બેઠકમાં તેઓએ અહંકારી ગઠબંધન કેવી રીતે કાર્ય કરશે તેની નીતિ બનાવી છે. હિડન એજન્ડા પણ નક્કી કરવામાં આવ્યો છે. અહંકારી ગઠબંધનની નીતિ એ છે કે તેઓ સનાતનનો નાશ કરવા અને દેશને 1000 વર્ષ સુધી ગુલામીમાં ધકેલી દેવા માંગે છે.
