- પુલ પરથી કાર નીચે ખાબકતા અકસ્માત સર્જાયો
- કારમાં સવાર સાત મેડિકલ સ્ટુડન્ટના મોત
- દવેલીથી જઈ રહ્યા હતા વર્ધા
મુંબઈ: રાજ્યમાં અકસ્માતના બનાવોની સંખ્યામાં નોંધપાત્ર વધારો થઇ રહ્યો છે. ત્યારે મહારાષ્ટ્રમાં એક કાર પુલ પરથી નીચે ખાબકતા અકસ્માત સર્જાયો હતો. અકસ્માતમાં કારમાં સવાર સાત મેડિકલ સ્ટુડન્ટના મોત થયા હતા.
આ અકસ્માત વર્ધાના સેલસુરા પાસે થયો હતો. સાવંગીની મેડિકલ કોલેજના આ વિદ્યાર્થીઓ દવેલીથી વર્ધા જઈ રહ્યા હતા. ત્યારે આ બનાવ બન્યો હતો. હાલ પોલીસ ઘટના સ્થળે પહોંચી છે અને અકસ્માતને લઈને તપાસ કરી રહી છે.
સૂત્રોના પાસેથી મળતી જાણકારી અનુસાર આ રાતના સમયે બન્યો છે અને ડ્રાઈવરની બેદરકારીને કારણે અકસ્માત થયો હોવાનું અનુમાન લગાવવામાં આવી રહ્યું છે. આ અકસ્માતમાં એક ભાજપના ધારાસભ્યના દિકરાનું પણ મોત થયું હોવાનું જાણવા મળ્યું છે. જો કે વધારે તપાસ થતા વધારે માહિતી સામે આવશે.